ಕಲಬುರಗಿಯಲ್ಲಿ ಪೊಲೀಸ್ ಫೈರಿಂಗ್; ರೌಡಿಗೆ ಗುಂಡೇಟು

ಕೇವಲ ಬೈಕ್ ಪಾರ್ಕಿಂಗ್ ವಿಚಾರಕ್ಕೆ ಸಂಬಂಧಿಸಿದಂತೆ ನಡೆದಿದ್ದ ಪರಸ್ಪರ ವಾಗ್ವಾದ ಕೊನೆಗೆ ಸಾಗರ್ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿ ಆತನನ್ನು ಕೊಲ್ಲುವ ಯತ್ನದವರೆಗೆ ಬೆಳವಣಿಗೆ ನಡೆದು ಬಂದಿತ್ತು. ಇದೀಗ ಪೊಲೀಸರು ಗುಂಡು ಹಾರಿಸಿ ಫಾಹಿಮ್ ಆಸ್ಪತ್ರೆ ಸೇರುವಂತೆ ಮಾಡಿದ್ದಾರೆ.

ಕಲಬುರಗಿ: ನಗರದಲ್ಲಿ ಶನಿವಾರ ಬೆಳ್ಳಂಬೆಳಗ್ಗೆ ಪೊಲೀಸ್ ಫೈರಿಂಗ್ ನಡೆದಿದೆ. ರೌಡಿಯಿಸಂ ಚಟುವಟಿಕೆಗಳಲ್ಲಿ ಹೆಸರು ಮಾಡಿದ್ದ ಫಾಹಿಮ್ (23) ಎಂಬಾತನ ಮೇಲೆ ಇಲ್ಲಿನ ನಾಗನಹಳ್ಳಿ-ಕೆಸರಟಗಿ ರಸ್ತೆಯ ಗಾರ್ಡನ್ ಬಳಿ ಗುಂಡು ಹಾರಿಸಲಾಗಿದೆ‌.

ಫಾಹಿಮ್ ಕಳೆದ ಎರಡು ತಿಂಗಳ ಹಿಂದೆ ಕಲಬುರಗಿಯ ಹಳೇ ಜೇವರ್ಗಿ ರಸ್ತೆಯ ರೈಲ್ವೆ ಅಂಡರ್ ಪಾಸ್ ಬಳಿ ತನ್ನ ಇತರ ಸಹಚರರೊಂದಿಗೆ ಸೇರಿ ಸಾಗರ್ ಎಂಬ ಎಂಜಿನಿಯರಿಂಗ್ ವಿದ್ಯಾರ್ಥಿಯ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿ ತಲೆ ಮರೆಸಿಕೊಂಡಿದ್ದ.

ಕೇವಲ ಬೈಕ್ ಪಾರ್ಕಿಂಗ್ ವಿಚಾರಕ್ಕೆ ಸಂಬಂಧಿಸಿದಂತೆ ನಡೆದಿದ್ದ ಪರಸ್ಪರ ವಾಗ್ವಾದ ಕೊನೆಗೆ ಸಾಗರ್ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿ ಆತನನ್ನು ಕೊಲ್ಲುವ ಯತ್ನದವರೆಗೆ ಬೆಳವಣಿಗೆ ನಡೆದು ಬಂದಿತ್ತು. ಇದೀಗ ಪೊಲೀಸರು ಗುಂಡು ಹಾರಿಸಿ ಫಾಹಿಮ್ ಆಸ್ಪತ್ರೆ ಸೇರುವಂತೆ ಮಾಡಿದ್ದಾರೆ.

ಕಲಬುರಗಿಯ ಸರಕಾರಿ ಜಿಲ್ಲಾಸ್ಪತ್ರೆಯಲ್ಲಿ ಫಾಹಿಮ್ ಗೆ ಚಿಕಿತ್ಸೆ ನೀಡಲಾಗುತ್ತಿದೆ