ಪರಪ್ಪನ ಅಗ್ರಹಾರದಲ್ಲಿ ತುಪ್ಪದ ಬೆಡಗಿ ರಾಗಿಣಿಗೆ ಫುಲ್ ಡಿಮ್ಯಾಂಡ್..! ಜೈಲಲ್ಲಿ ಹೀರೋಯಿನ್ ಕಂಡು ಫುಲ್ ಖುಷ್ !
ಸ್ಯಾಂಡಲ್ ವುಡ್ ಡ್ರಗ್ಸ್ ಮಾಫಿಯಾ ಆರೋಪದಿಂದಾಗಿ ಸತತ 11 ದಿನಗಳ ವಿಚಾರಣೆಯ ನಂತರ ನಟಿ ರಾಗಿಣಿ ಜೈಲು ಪಾಲಾಗಿ, ಪರಪ್ಪನ ಅಗ್ರಹಾರದಲ್ಲಿ ಕಂಬಿ ಎಣಿಸುತ್ತಿರುವ ತುಪ್ಪದ ಬೆಡಗಿಗೆ ಜೈಲಿನಲ್ಲಿ ಫುಲ್ ಡಿಮ್ಯಾಂಡ್ ಕ್ರಿಯೇಟ್ ಆಗಿದೆ.
ಇದೇ ಮೊದಲ ಬಾರಿಗೆ ಸ್ಯಾಂಡಲ್ವುಡ್ ನಟಿ ಜೈಲು ಪಾಲಾಗಿರುವ ಕುಖ್ಯಾತಿಗೆ ನಟಿ ರಾಗಿಣಿ ದ್ವಿವೇದಿ ಪಾತ್ರವಾಗಿದ್ದಾರೆ, ಆ ಮೂಲಕ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ಒಂದು ರಾತ್ರಿ ಕಳೆದ ರಾಗಿಣಿಯನ್ನು ನೋಡಲು ಬೆಳ್ಳಂಬೆಳಗ್ಗೆ ಕೈದಿಗಳು ಮುಗಿಬಿದ್ದಿದ್ದಾರೆ.
ನಮ್ಮನ್ನು ಒಂದ್ ಸಲ ಬಿಡಿ..ರಾಗಿಣಿಯನ್ನು ನೋಡ್ಬೇಕು ಎಂದು ಕೆಲ ಕೈದಿಗಳು ಬ್ಯಾರಕ್ ವಾರ್ಡನ್ ಬಳಿ ಮನವಿ ಮಾಡಿಕೊಳ್ಳುತ್ತಿದ್ದರೆ, ಮತ್ತೆ ಕೆಲವರು ಕಿಟಕಿ, ಬಾಗಿಲುಗಳಿಂದ ಇಣುಕಿ-ಇಣುಕಿ ರಾಗಿಣಿಯನ್ನ ನೋಡಿ ಕಣ್ತುಂಬಿಕೊಳ್ಳುತ್ತಿದ್ದಾರೆ.
ಇದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದ ನಟಿ ರಾಗಿಣಿ ರಾತ್ರಿ ಓದಿದ ಇಂಗ್ಲಿಷ್ ಕಾದಂಬರಿ ಪಕ್ಕಕ್ಕಿಟ್ಟು, ಜೈಲು ಸಿಬ್ಬಂದಿ ನೀಡಿದ ಫಸ್ಟ್ ಪೇಪರ್ ಸೆಟ್ ಮೇಲೆ ಕಣ್ಣಾಡಿಸಿದ್ದಾರೆ. ಪತ್ರಿಕೆಗಳಲ್ಲಿ ಬಂದ ತನ್ನ ಫೋಟೋ, ಸುದ್ದಿ ನೋಡಿ ರಾಗಿಣಿ ಗಳಗಳನೆ ಕಣ್ಣೀರಿಟ್ಟಿದ್ದಾರೆ.
