ಗೃಹ ಬಳಕೆಯ ಎಲ್ಪಿಜಿ ಬೆಲೆ ಏರಿಕೆ…! ಗ್ರಾಹಕರಿಗೆ ಶಾಕ್ ನೀಡಿದ ಕೇಂದ್ರ ಸರ್ಕಾರ…
ಕೇಂದ್ರ ಸರ್ಕಾರ ಮತ್ತೆ ಗೃಹ ಬಳಕೆಯ ಎಲ್ಪಿಜಿ ಬೆಲೆಯನ್ನ ಪ್ರತಿ ಸಿಲಿಂಡರ್‌ಗೆ 50 ರೂಪಾಯಿ ಏರಿಕೆ ಮಾಡಿ ಗ್ರಾಹಕರಿಗೆ ಶಾಕ್ ನೀಡಿದೆ. ಅಲ್ಲದೆ, ವಾಯುಯಾನ ಟರ್ಬೈನ್ ಇಂಧನ ಬೆಲೆಯನ್ನು ಶೇಕಡಾ 6.3ರಷ್ಟು ಹೆಚ್ಚಿಸಲಾಗಿದೆ.
ರಾಜ್ಯ ಇಂಧನ ಮಾರುಕಟ್ಟೆ ಕಂಪನಿಗಳ ಬೆಲೆ ಅಧಿಸೂಚನೆಯ ಪ್ರಕಾರ, ಸಬ್ಸಿಡಿ ರಹಿತ ಗೃಹ ಬಳಕೆ 14.2 ಕೆಜಿ ಸಿಲಿಂಡರ್ ಬೆಲೆಯನ್ನು ಹಿಂದಿನ 644 ರೂಪಾಯಿಗಳಿಂದ 694 ರೂಪಾಯಿಗೆ ಹೆಚ್ಚಿಸಲಾಗಿದೆ.
ಈ ತಿಂಗಳ ದರದಲ್ಲಿ ಇದು ಎರಡನೇ ಬಾರಿಗೆ ಹೆಚ್ಚಳವಾಗಿದ್ದು ಸಿಲಿಂಡರ್‌ಗೆ 50 ರೂಪಾಯಿ ಹೆಚ್ಚಿಸಲಾಗಿತ್ತು. ಇದಕ್ಕೂ ಮುನ್ನ ಜುಲೈನಿಂದ ಸಿಲಿಂಡರ್ ಬೆಲೆ 594 ರೂಪಾಯಿ ಇತ್ತು. ದೆಹಲಿಯಲ್ಲಿ ಜೂನ್ 2019ಕ್ಕೆ 497 ರೂಪಾಯಿ ಇದ್ದ ಸಬ್ಸಿಡಿ ಎಲ್ಪಿಜಿ ಬೆಲೆಯನ್ನು ಇಲ್ಲಿಯವರೆಗೂ ಕ್ರಮವಾಗಿ 147 ರೂಪಾಯಿ ಹೆಚ್ಚಿಸಲಾಗಿದೆ.
