ಕೊರೋನಾ ನಡುವೆಯೂ ಬೆಂಗಳೂರಿನ ಮಾಲ್ಗಳಲ್ಲಿ ಕ್ರಿಸ್ಮಸ್ ತಯಾರಿ ಹೇಗಿದೆ ಗೊತ್ತಾ..?
ಡಿಸೆಂಬರ್ ಬಂತು ಅಂದ್ರೆ ಸಾಕು ನಾಡಿನೆಲ್ಲಡೆ ಕ್ರಿಸ್ಮಸ್ ಹಬ್ಬದ ಸಂಭ್ರಮ. ವರ್ಷದ ಕೊನೆಯಲ್ಲಿ ಬರೋ ಕ್ರಿಸ್ಮಸ್ ಹಬ್ಬಕ್ಕೆ ಸಿಲಿಕಾನ್ ಸಿಟಿ ಸಂಪೂರ್ಣ ಸಿದ್ದವಾಗಿದೆ. ನಗರದ ಮಾಲ್ಗಳಂತೂ ಜಗಮಗಿಸ್ತಾ ಇವೆ.
ಕೊರೊನಾ ಎಂಟ್ರಿಯಾಗಿದ್ದೇ ತಡ ಸಿಲಿಕಾನ್ ಸಿಟಿಯಲ್ಲಿ 2020 ವರ್ಷದ ಹಬ್ಬಗಳ ಕಳೆಯೇ ಮಾಯಾವಾಗಿತ್ತು. ಆದ್ರೆ ಇದೀಗ ಮತ್ತೆ ಸಿಲಿಕಾನ್ ಸಿಟಿ ಯಥಾಸ್ಥಿತಿಗೆ ತಲುಪಿದ್ದು, ಕ್ರಿಸ್ಮಸ್ ಹಬ್ಬಕ್ಕೆ ಬೆಂಗಳೂರಿನ ಮಾಲ್ಗಳು ಸಖತ್ ಕಲರ್ಫುಲ್ ಆಗಿ ಮಿಂಚುತ್ತಿದೆ. ಇಷ್ಟು ದಿನ ಲಾಕ್ ಡೌನ್ನಿಂದ ಬೇಜಾರಾಗಿದ್ದೇವು. ಈ ಬಾರಿಯ ಒರಾಯನ್ ಮಾಲ್ ಡೆಕೊರೆಷನ್ ನೋಡಿ ತುಂಬಾ ಕುಷಿಯಾಯ್ತು. ಮಕ್ಕಳಂತೂ ಸಿಕ್ಕಪಟ್ಟೆ ಎಂಜಾಯ್ ಮಾಡ್ತಿದ್ದಾರೆ ಎಂದು ಗ್ರಾಹಕರು ಹೇಳಿದ್ದಾರೆ.
ಒಂದೆಡೆ ಕಲರ್ ಕಲರ್ ಲೈಟಿಂಗ್ಸ್. ಅದ್ವುತ ಲೋಕವೇ ಧರೆಗಿಳಿದಂತೆ ಭಾಸವಾಗುವಂತಿರೋ ವಿನ್ಯಾಸ. ಮತ್ತೊಂದೆಡೆ ಕಲರ್ಫುಲ್ ಕ್ರಿಸ್ ಮಸ್ ಕೇಕ್ ಲೋಕ. ಇವೆಲ್ಲವುಗಳ ಎದುರು ನಿಂತೂ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತಾ ಪ್ರೀತಿಪಾತ್ರರೊಂದಿಗೆ ಎಂಜಾಯ್ ಮಾಡ್ತಿರೋ ಸಿಟಿ ಜನ್ರು. ಕೊರೊನಾ ಬಳಿಕ ಇದೀಗ ಮಾಲ್ಗಳತ್ತ ಮುಖ ಮಾಡೋದಕ್ಕೆ ಕ್ರಿಸ್ಮಸ್ ಹಬ್ಬದ ಪ್ರಯುಕ್ತ ವಿನೂತನ ಡೆಕೊರೇಷನ್ ಮಾಡಲಾಗಿದೆ. ಇಲ್ಲಿ ಪ್ರಿಕಾಕ್ಷನ್ ತೆಗೆದುಕೊಂಡು ಗ್ರಾಹಕರನ್ನು ಮಾಲ್ ಒಳಗಡೆ ಬರಲು ಅನುಕೂಲ ಕಲ್ಪಿಸಲಾಗಿದೆ.
