ಅನುಷ್ಕಾ ಶರ್ಮಾ, ವಿರಾಟ್ ಕೊಹ್ಲಿ ಮಗಳ ಮೊದಲ ಫೋಟೋ ಹಂಚಿಕೊಂಡ ವಿರಾಟ್ ಸಹೋದರ!
ಭಾರತೀಯ ಕ್ರಿಕೆಟ್ ತಂಡದ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಹಾಗೂ ನಟಿ ಅನುಷ್ಕಾ ಶರ್ಮಾ ಅವರು ಸೋಮವಾರ (ಜ.12)ದಂದು ತಂದೆ-ತಾಯಿಗಳಾಗಿ ಬಡ್ತಿ ಪಡೆದಿದ್ದಾರೆ. ಅವರ ಮನೆಗೆ ಮಹಾಲಕ್ಷ್ಮೀ ಆಗಮನವಾಗಿದೆ. ಅನೇಕರು ವಿರುಷ್ಕಾಗೆ ಶುಭಾಶಯ ತಿಳಿಸುತ್ತಿದ್ದಾರೆ. ಇನ್ನು ವಿರಾಟ್ ದಂಪತಿ ಮಗಳ ಫೋಟೋವನ್ನು ಹಂಚಿಕೊಂಡಿರಲಿಲ್ಲ. ಆದರೆ ವಿರಾಟ್ ಸಹೋದರ ವಿಕಾಸ್ ಕೊಹ್ಲಿ ಅವರು ಅನುಷ್ಕಾ ದಂಪತಿಯ ಮಗಳ ಫೋಟೋವನ್ನು ಮೊದಲ ಬಾರಿಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ
ವಿರಾಟ್ ಮನೆಯಲ್ಲಿ ದೇವತೆ
ಮಗುವಿನ ಪಾದದ ಫೋಟೋ ಶೇರ್ ಮಾಡಿರುವ ವಿಕಾಸ್ ಕೊಹ್ಲಿ, ‘ಖುಷಿ ತುಂಬಿದೆ, ಮನೆಯಲ್ಲಿ ದೇವತೆ ಇದ್ದಾಳೆ’ ಎಂದು ಫೋಟೋಕ್ಕೆ ಕ್ಯಾಪ್ಶನ್ ನೀಡಿದ್ದಾರೆ. ಇನ್ನು ವಿರಾಟ್ ಕೂಡ ‘ಇಂದು(ಸೋಮವಾರ) ಮಧ್ಯಾಹ್ನ ನಾವು ಹೆಣ್ಣು ಮಗು ಪಡೆದಿದ್ದೇವೆ ಎಂದು ನಿಮ್ಮೊಂದಿಗೆ ಹಂಚಿಕೊಳ್ಳಲು ತುಂಬ ಖುಷಿಯಾಗುವುದು. ನಿಮ್ಮ ಪ್ರೀತಿ, ಪ್ರಾರ್ಥನೆ ಮತ್ತು ಶುಭಾಶಯಗಳಿಗಾಗಿ ನಾವು ಎಲ್ಲರಿಗೂ ಧನ್ಯವಾದ ತಿಳಿಸುತ್ತೇವೆ. ಅನುಷ್ಕಾ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ. ಜೀವನದ ಹೊಸ ಅಧ್ಯಾಯ ಪ್ರಾರಂಭಿಸಲಿದ್ದೇವೆ. ಈ ಸಮಯದಲ್ಲಿ ನೀವು ನಮ್ಮ ಖಾಸಗಿತನವನ್ನು ಗೌರವಿಸುತ್ತೀರಿ ಎಂದು ನಾವು ಭಾವಿಸುತ್ತೇವೆ. ನಿಮ್ಮ ಪ್ರೀತಿಯ ವಿರಾಟ್’ ಎಂದು ಟ್ವೀಟ್ ಮಾಡಿದ್ದರು.
2017ರಲ್ಲಿ ವಿರುಷ್ಕಾ ಮದುವೆ
ಅನುಷ್ಕಾ ಶರ್ಮಾ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರಿಂದ ಅನೇಕರು ಮಹಾಲಕ್ಷ್ಮೀ ಆಗಮನವಾಗಿದೆ, ಇನ್ನು ಮುಂದೆ ಕಪ್ ನಮ್ದೇ ಎನ್ನುತ್ತಿದ್ದಾರೆ. ಕ್ರಿಕೆಟ್ ಮಂದಿ, ಚಿತ್ರರಂಗದ ಗಣ್ಯರು, ಸೆಲೆಬ್ರಿಟಿಗಳು, ಅಭಿಮಾನಿಗಳು ಸೇರಿ ಅನೇಕರು ವಿರುಷ್ಕಾಗೆ ಶುಭಾಶಯ ತಿಳಿಸುತ್ತಿದ್ದಾರೆ. 2017ರಲ್ಲಿ ವಿರಾಟ್ ಕೊಹ್ಲಿಯನ್ನು ಮದುವೆಯಾದಮೇಲೆ ಅನುಷ್ಕಾ ಸಿನಿಮಾದಿಂದ ಸ್ವಲ್ಪ ದೂರವಾದರು, ಸಿನಿಮಾ ನಿರ್ಮಾಣದತ್ತ ಮುಖ ಮಾಡಿದರೇ ವಿನಃ ಅಷ್ಟಾಗಿ ನಟಿಸಲೇ ಇಲ್ಲ.
ಗರ್ಭಿಣಿಯಾಗಿದ್ದರೂ ಶೂಟಿಂಗ್‌ನಲ್ಲಿ ಭಾಗವಹಿಸಿದ್ದರು
2020ರಲ್ಲಿ ಗರ್ಭಿಣಿ ಎಂದು ಅನುಷ್ಕಾ ಹೇಳಿದಾಗ ಎಲ್ಲರೂ ಥ್ರಿಲ್ ಆಗಿದ್ದರು. ಇನ್ನು ಅವರ ಬೇಬಿ ಬಂಪ್ ಫೋಟೋಗಳು ಸಾಕಷ್ಟು ವೈರಲ್ ಆಗಿತ್ತು. ಗರ್ಭಿಣಿಯಾಗಿದ್ದಾಗಲೂ ಕೂಡ ಅನುಷ್ಕಾ ಜಾಹೀರಾತಿಗೆ ಸಂಬಂಧಪಟ್ಟ ಶೂಟಿಂಗ್‌ನಲ್ಲಿ ಭಾಗಿಯಾಗಿದ್ದರು. ಅಷ್ಟೇ ಅಲ್ಲದೆ ಮ್ಯಾಗ್‌ಝೀನ್‌ವೊಂದರ ಮುಖಪುಟ್ಟಕ್ಕೆ ಪೋಸ್ ನೀಡಿದ್ದರು. ಮಗುವನ್ನು ತುಂಬ ಒಳ್ಳೆಯ ರೀತಿಯಿಂದ, ಮೌಲ್ಯಯುತವಾಗಿ ಬೆಳೆಸಲಿದ್ದೇವೆ ಎಂದು ಸಂದರ್ಶನದಲ್ಲಿ ಅನುಷ್ಕಾ ಹೇಳಿದ್ದಾರೆ.
https://www.instagram.com/p/CJ5wWUJDfcs/?utm_source=ig_embed&utm_campaign=embed_video_watch_again
