ಕಲಬುರಗಿ : ತಲ್ವಾರ್ ಹಿಡಿದು ಡಿಜೆಗೆ ಹೆಜ್ಜೆ ಹಾಕಿದ ಯುವಕರು ಅಂದರ್
ಬರ್ತಡೇ ದಿನವೇ ಯುವಕರ ಗುಂಪು ತಲ್ವಾರ್ ಝಳಪಿಸಿದೆ. ತಲ್ವಾರ್ ಹಿಡಿದು ಕೆಲವು ಯುವಕತು ಡಿಜೆಗೆ ಹೆಜ್ಜೆ ಹಾಕಿದ್ದಾರೆ. ಕಲಬುರಗಿಯ ಮೆಹಬೂಬ ನಗರದಲ್ಲಿ ತಡರಾತ್ರಿ ನಡೆದ ಘಟನೆ ನಡೆದಿತ್ತು. ಈ ಸಂಬಂಧ ಇಮ್ರಾನ್, ತಬ್ರೇಜ್, ರಶೀದ್, ಅಫ್ರೋಜ್, ತಲ್ಹಾ, ಸೋಹೆಲ್ ಹಾಗೂ ಜಹೀರ್ ಎಂಬುವರನ್ನು ಬಂಧಿಸಲಾಗಿದೆ.
ಇಮ್ರಾನ್ ಎಂಬಾತನ ಬರ್ತಡೇಗೆ ಅನುಮತಿ ಇಲ್ಲದೆ ಸಾರ್ವಜನಿಕ ಸ್ಥಳದಲ್ಲಿ ವೇದಿಕೆ ನಿರ್ಮಿಸಲಾಗಿತ್ತು. ವೇದಿಕೆ ಮೇಲೆ ತಲ್ವಾರ್ ಡ್ಯಾನ್ಸ್ ಮಾಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಎಸಿಪಿ ಅಂಶುಕುಮಾರ್ ನೇತೃತ್ವದ ತಂಡ ಪುಂಡರನ್ನು ಬಂಧಿಸಿದ್ದು, ರೋಜಾ ಠಾಣೆಯಲ್ಲಿ ಕೇಸ್ ದಾಖಲಿಸಲಾಗಿದೆ.
