ಮೊದಲ ದಿನ ಲಸಿಕೆ ಪಡೆದವರ ಒಟ್ಟು ಸಂಖ್ಯೆ ಎಷ್ಟು?: ರಾಜ್ಯವಾರು ಪಟ್ಟಿ ಇಂತಿದೆ!

ಹೊಸದಿಲ್ಲಿ: ಮಾರಕ ಕೊರೊನಾ ವೈರಸ್ ವಿರುದ್ಧ ದೇಶೀಯವಾಗಿ ಕಂಡುಹಿಡಿದಿರುವ ಕೋವಿಶೀಲ್ಡ್ ಲಸಿಕೆಯ ಸಾರ್ವತ್ರಿಕ ಬಳಕೆಗೆ, ಪ್ರಧಾನಿ ಮೋದಿ ನಿನ್ನೆ(ಜ.16-ಶನಿವಾರ) ಅಧಿಕೃತವಾಗಿ ಚಾಲನೆ ನೀಡಿದ್ದಾರೆ.

ವಿಶ್ವದ ಅತ್ಯಂತ ಬೃಹತ್ ಲಸಿಕಾ ಅಭಿಯಾನ ಎಂಬ ಖ್ಯಾತಿ ಪಡೆದಿರುವ ಈ ಅಭಿಯಾನದಲ್ಲಿ, ಮೊದಲ ದಿನ ದೇಶಾದ್ಯಂತ ಒಟ್ಟು 1.91 ಲಕ್ಷ ಜನರಿಗೆ ಕೋವಿಶೀಲ್ಡ್ ಲಸಿಕೆ ನೀಡಲಾಯಿತು. ಮೊದಲ ದಿನ 3 ಲಕ್ಷ ಜನರಿಗೆ ಲಸಿಕೆ ನೀಡುವ ಗುರಿ ಹೊಂದಲಾಗಿತ್ತಾದರೂ, ಕೊನೆಯಲ್ಲಿ ಕೇವಲ 1.91 ಜನರಿಗೆ ಲಸಿಕೆ ನೀಡಲಾಯಿತು.

ಹಾಗಾದರೆ ಲಸಿಕಾ ಅಭಿಯಾನದ ರಾಜ್ಯವಾರು ಪಟ್ಟಿಯುನ್ನು ಗಮನಿಸುವುದಾದರೆ…

*ಮಹಾರಾಷ್ಟ್ರ-18,328(ಟಾರ್ಗೆಟ್-28,000)
*ದೆಹಲಿ-4,319(ಟಾರ್ಗೆಟ್-8,100)
*ಉತ್ತರ ಪ್ರದೇಶ-21,291(ಟಾರ್ಗೆಟ್-31,700)
* ಬಿಹಾರ-18,169(ಟಾರ್ಗೆಟ್-30,000)
*ಪಶ್ಚಿಮ ಬಂಗಾಳ-1,800(ಟಾರ್ಗೆಟ್-9,730)
*ತಮಿಳುನಾಡು -2,945(ಟಾರ್ಗೆಟ್-16,600)
*ಅಸ್ಸಾಂ-3,528(ಟಾರ್ಗೆಟ್-6,499)
*ರಾಜಸ್ಥಾನ-9,279(ಟಾರ್ಗೆಟ್-16,700)
*ಕರ್ನಾಟಕ -13,594 (ಟಾರ್ಗೆಟ್-24,300)
*ತೆಲಂಗಾಣ-4,200(ಟಾರ್ಗೆಟ್-13,900)
*ಆಂಧ್ರಪ್ರದೇಶ-18,412(ಟಾರ್ಗೆಟ-33,200)
*ಕೇರಳ-8,062 (ಟಾರ್ಗೆಟ್-13,330)
*ಮಧ್ಯಪ್ರದೇಶ-9,219(ಟಾರ್ಗೆಟ್-15,000)
*ಪಂಜಾಬ್-1,319(ಟಾರ್ಗೆಟ್-5,900)

ಹೀಗೆ ಪ್ರತಿ ರಾಜ್ಯದಲ್ಲೂ ಮೊದಲ ದಿನ ನಿರ್ದಿಷ್ಟ ಗುರಿಯನ್ನು ಮುಟ್ಟಲಾಗದಿದ್ದರೂ, ದೇಶಾದ್ಯಂತ ಲಸಿಕಾ ಅಭಿಯಾನಕ್ಕೆ ಅಭೂತಪೂರ್ವ ಚಾಲನೆ ಸಿಕ್ಕಿರುವದಂತೂ ಸುಳ್ಳಲ್ಲ.

ಮೊದಲ ದಿನ ಒಟ್ಟು 1.91 ಲಕ್ಷ ಆರೋಗ್ಯ ಸಿಬ್ಬಂದಿಗೆ ಕೊರೊನಾ ಲಸಿಕೆ ನೀಡಲಾಗಿದ್ದು, ಲಸಿಕೆ ಪಡೆದವರ ಆರೋಗ್ಯದ ಮೇಲೆ ನಿಗಾ ಇಡಲಾಗಿದೆ.

ಕೊರೊನಾ ಲಸಿಕೆ ಅಭಿಯಾನಕ್ಕೆ ಚಾಲನೆ ನೀಡಿದ್ದ ಪ್ರಧಾನಿ ಮೋದಿ, ಯಾವುದೇ ಕಾರಣಕ್ಕೂ ಯಾವುದೇ ಭೀತಿ ಹಾಗೂ ಗೊಂದಲಕ್ಕೊಳಗಾಗದೇ ಲಸಿಕೆ ಪಡೆಯುವಂತೆ ಮನವಿ ಮಾಡಿದ್ದರು.

ಲಸಿಕಾ ಅಭಿಯಾನ ಉದ್ಘಾಟಿಸಿ ಮಾತನಾಡುವ ವೇಳೆ ಭಾವುಕರಾದ ಪ್ರಧಾನಿ ಮೋದಿ, ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ತಮ್ಮ ಪ್ರಾಣ ಅರ್ಪಿಸಿದವರನ್ನು ನೆನೆದು ಕಣ್ಣೀರಾದರು.

ಇಂದೂ(ಜ.17-ಭಾನುವಾರ) ಲಸಿಕಾ ಅಭಿಯಾನ ನಡೆಯಲಿದ್ದು, ಒಟ್ಟಿನಲ್ಲಿ ಮಾರಕ ಕೊರೊನಾ ವೈರಸ್‌ನ್ನು ಒದ್ದೊಡಿಸಲು ದೇಶ ಸಜ್ಜಾಗಿರುವುದು ಸ್ಪಷ್ಟ.