ಕೊರೊನ ಕಿರಿಕಿರಿಯಲ್ಲಿ ನಾ ಕಂಡ ಹೃದಯ ಶ್ರೀಮಂತಿಕೆ – Article by “#Soumya_Pujar”_Student_Sharanabasava_University_JMC_Department

  ಶ್ರೀಮಂತಿಕೆ ಎಂದರೆ ಆಸ್ತಿ , ಬಂಗಲೆ , ಸಂಪತ್ತು ಹೊಂದಿರುವುದಲ್ಲ,  ನನ್ನ ಪ್ರಕಾರ ಈ ಶ್ರೀಮಂತಿಕೆಯಲ್ಲಿ ಎರಡು ರೀತಿ . 1. ದುಡ್ಡಿನ ಶ್ರೀಮಂತಿಕೆ , 2. ಹೃದಯ ಶ್ರೀಮಂತಿಕೆ …. ಕೇವಲ ಆಸ್ತಿ , ಅಂತಸ್ತು ಇರುವವರನ್ನು ಶ್ರೀಮಂತರು ಎನ್ನಲಾಗುವುದಿಲ್ಲ. ಇತರರ ಬಗ್ಗೆ , ದೇಶದ ಒಳಿತಿನ ಬಗ್ಗೆ ಯೋಚಿಸುತ್ತ ಸದಾ ಇನ್ನೊಬ್ಬರಿಗೆ ಒಳಿತನ್ನು ಮಾಡಿ ಮಾನವೀಯತೆ ಮೆರೆಯುವ ವ್ಯಕ್ತಿಗಳೇ ನಿಜವಾದ ಸಿರಿವಂತರು.

               ಈ ಸಮಾಜದಲ್ಲಿ ಬಡವ – ಶ್ರೀಮಂತರ ನಡುವೆ ಸಾಕಷ್ಟು ಅಂತರ ಇರುವುದನ್ನು ನಾವು ಕಾಣುತ್ತೇವೆ . ತಮ್ಮ ಆಸೆ , ಬೇಡಿಕೆಗಳನ್ನು ಸುಲಭವಾಗಿ ಈಡೇರಿಸಿಕೊಳ್ಳುವ ಶ್ರೀಮಂತರು ಒಂದು ಕಡೆಯಾದರೆ , ತಮ್ಮೆಲ್ಲ ಆಸೆ , ಕನಸುಗಳನ್ನು ಬದಿಗಿಟ್ಟು ಕೇವಲ ತಮ್ಮ ಹೊಟ್ಟೆ ತುಬಿಸಿಕೊಳ್ಳಲು ದಿನವಿಡೀ ದುಡಿಯುವ ಬಡವರ ಪಾಡು ಇನ್ನೊಂದೆಡೆ.

                                                     ಆದರೆ

ಈ ಕೊರೊನಾ ಸಮಯದಲ್ಲಿ ಬಡವರು , ಕಾರ್ಮಿಕರು ಕೆಲಸವಿಲ್ಲದೆ ಒಂದು ಹೊತ್ತಿನ ಊಟಕ್ಕಾಗಿ ಅದೆಷ್ಟು ಪರದಾಡಿದ್ದಾರೆ.  ಇಂತಹ ಪರಿಸ್ಥಿತಿಯಲ್ಲಿ ಅನೇಕರು ಬಡವರಿಗೆ ಸಹಾಯ ಮಾಡುವ ಮೂಲಕ ತಮ್ಮ ಹೃದಯ ಶ್ರೀಮಂತಿಕೆಯನ್ನು ಮೆರೆದಿದ್ದಾರೆ . ಹಲವು ರೀತಿಯಲ್ಲಿ ಬಡಜನರಿಗೆ , ಕಾರ್ಮಿಕರಿಗೆ ಸಹಾಯ ಮಾಡುತ್ತ , ಧವಸ ಧಾನ್ಯಗಳನ್ನು ಮನೆ ಮನೆಗಳಿಗೆ ತಲುಪಿಸಿ ಮಾನವೀಯತೆ ಮೆರೆದಿದ್ದಾರೆ, ಹಲವು ಜನರು ಇಂತಹ ಸಮಾಜ ಸೇವೆಯಲ್ಲಿ ತೊಡಗಿಕೊಂಡಿದ್ದನ್ನ ನಾವು ನೋಡಿದ್ದೆವೆ . ಹೀಗೆ ಬಡವರ , ಕೂಲಿ ಕಾರ್ಮಿಕರ ಕಷ್ಟಕ್ಕೆ ನೆರವಾದಂತಹ ಪ್ರತಿಯೊಬ್ಬರಿಗೂ ನನ್ನದೊಂದು ಸಲಾಂ . ಆ ಮುಗ್ದ ಮನಸ್ಸಿನ ಬಡ ಜೀವಿಗಳು ಅಂತಹ ಸಂಧಿಗ್ನ ಪರೀಸ್ಥಿತಿಯಲ್ಲಿ ಸಹಾಯ ಮಾಡಿದ ತಮಗೆಂದೂ ಮರೆಯಲಾರರು.

ಇದು ನನ್ನ  ಅನುಭವದ ಮಾತು ಆ ಮುಗ್ದ ಜೀವಿಗಳು ಮನಸಾರೆ ಹರಸಿದಾಗ ಆಗುವ ಖುಷಿ , ಸಿಗುವ ನೆಮ್ಮದಿಗೆ ಬೆಲೆಕಟ್ಟಲು ಸಾಧ್ಯವೇ ಇಲ್ಲ.

ಇಲ್ಲೊಂದು ವಿಪರ್ಯಾಸ ಸಂಗತಿ ಏನೆಂದರೆ ಕೆಲವರು ಮನಸಾರೆ ಈ ಕಾರ್ಯಗಳನ್ನ ಮಾಡಿದರೆ ಇನ್ನು ಹಲವರು ತೋರಿಕೆಗಾಗಿ ಮಾಡಿದ್ದುಂಟು . ಹೆಸರು ಮಾಡುವ ಉದ್ದೇಶದಿಂದಲೇ ಸಹಾಯ , ದಾನಗಳನ್ನು ಮಾಡಿದ ಹಲವು ಉದಾಹರಣೆಗಳ್ಳನ್ನೂ ನಾವೂ ನೋಡಿದ್ದೇವೆ. ಇವರಿಗೆ ಯಾವುದೇ ರೀತಿಯ ಸಾಮಾಜಿಕ ಕಳಕಳಿ ಇರುವುದಿಲ್ಲ , ಇಂತಹ ವಿಷಯಗಳು ಮನಸ್ಸಿಗೆ ಎಲ್ಲೋ ಒಂದು ಕಡೆ ಬೇಜಾರು ಮಾಡುವ ಸಂಗತಿಗಳಾಗಿವೆ .

ಒಟ್ಟಾರೆಯಾಗಿ ದೇಶ ಸೇವೆ , ಸಾಮಾಜಿಕ ಕಳಕಳಿ , ಸದಾ ಇನ್ನೊಬ್ಬರ ಬಗ್ಗೆ ಯೋಚಿಸುವ ಪರಿಶುದ್ಧ ಮನಸ್ಸಿನಿಂದ ಸಹಾಯಮಾಡುವ ನಿಸ್ವಾರ್ಥ ಜೀವಿಗಳನ್ನ ನಾವು ಮೆಚ್ಚಲೇ ಬೇಕು . ಇವರೇ ನಿಜವಾದ ಶ್ರೀಮಂತರನ್ನಿಸಿಕೊಳ್ಳುತ್ತಾರೆ . ಇಂತವರಿಂದಲೇ  ಸಮಾಜದಲ್ಲಿಇಂದಿಗೂ ಒಳ್ಳೆತನ ಜೀವಂತವಾಗಿದೆ .

ಇನ್ನು ನಮ್ಮ ದೇಶ ಎಷ್ಟೇ ಮುಂದುವರೆದರು ಈ ಬಡತನ ಮಾತ್ರ ಕಡಿಮೆಯಾಗಿಲ್ಲ . ಈ ಬಡತನ ನಿವಾರಣೆ ಸಾಧ್ಯವೇ..?? ದುಡಿದು ತಿನ್ನುವುದರಲ್ಲಿಯೇ ಜೀವನ ಕಳೆಯುವ ಬಡವರು ಶ್ರೀಮಂತರಾಗೋದು ಯಾವಾಗ..?? ಇಂತಹ ಹಲವು ಪ್ರಶ್ನೆಗಳಿಗೆ ಉತ್ತರ ಮಾತ್ರ ಇನ್ನು ದೊರಕಿಲ್ಲ . . . . . . ! 

                                                                                                                                                                                                                                                                                                                    — ಸೌಮ್ಯ ಪೂಜಾರ —

                                                                                                                                                                                                                                                                                                            ಪತ್ರಿಕೋದ್ಯಮ ವಿದ್ಯಾರ್ಥಿನಿ ,

                                                                                                                                                                                                                                                                                                           ಶರಣಬಸವ ವಿಶ್ವ ವಿದ್ಯಾಲಯ

                                                                                                                                                                                                                                                                                                                           ಕಲಬುರಗಿ