ಮಾಲ್ಡೀವ್ಸ್ನಲ್ಲಿ ನವ ಜೋಡಿಯ ಮೋಜು ಮಸ್ತಿ..! ದ್ವೀಪ ರಾಷ್ಟ್ರದಲ್ಲಿ ಕೃಷ್ಣ-ಮಿಲನಾ ಹನಿಮೂನ್..!
ಲವ್ ಮಾಕ್ಟೇಲ್ ಸಿನಿಮಾ ಮೂಲಕ ಜನಮನ ಗೆದ್ದ, ಕೃಷ್ಣ-ಮಿಲನಾ, ಪ್ರೇಮಿಗಳ ದಿನದಂದು ಅದ್ಧೂರಿಯಾಗಿ ಸಪ್ತಪದಿ ತುಳಿದಿದ್ದು ಗೊತ್ತೇಯಿದೆ. ಈಗ ಜಾಲಿ ಮೂಡ್ನಲ್ಲಿರೋ ಕ್ರಿಸ್ಮಿ ಜೋಡಿ, ದ್ವೀಪ ರಾಷ್ಟ್ರದಲ್ಲಿ ತಮ್ಮ ಹನಿಮೂನ್ ಸೆಲಬ್ರೆಟ್ ಮಾಡ್ತಿದ್ದಾರೆ.
ಸ್ಯಾಂಡಲ್ವುಡ್ನಲ್ಲಿ ಲವ್ ಮಾಕ್ಟೇಲ್ ಜೋಡಿ ಅಂತಲೇ ಫೇಮಸ್ ಆಗಿರೋ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್, ಫೆಬ್ರವರಿ 14ಕ್ಕೆ ಸಪ್ತಪದಿ ತುಳಿದಿದ್ರು. ಬ್ಯಾಚುಲರ್ ಪಾರ್ಟಿ, ಮೆಹಂದಿ ಪಾರ್ಟಿ, ಸಂಗೀತ್ ಪಾರ್ಟಿ, ಮುಹೂರ್ತ, ರಿಸೆಪ್ಷನ್ ಅಂತ ಮದುವೆ ಸಂಭ್ರಮ ಬಹಳ ಜೋರಾಗಿತ್ತು. 7 ವರ್ಷಗಳ ಪ್ರೀತಿಗೆ ಪ್ರೇಮಿಗಳ ದಿನದಂದೇ ಮದುವೆಯ ಮುದ್ರೆಯೊತ್ತಿದ್ದ ಕ್ರಿಸ್ಮಿ ಜೋಡಿ, ಈಗ ಹನಿಮೂನ್ ಗುಂಗಿನಲ್ಲಿದ್ದಾರೆ.
ಕೃಷ್ಣ-ಮಿಲನಾ ಈಜು ಕೊಳದ ನಡುವೆ ಅದ್ಧೂರಿಯಾಗಿ ಮದುವೆ ಆಗಬೇಕು ಅಂತ ಜೋಡಿ ಕನಸು ಕಂಡಿತ್ತಂತೆ. ತಮ್ಮ ಕನಸಿನಂತಯೇ ಅದ್ಧೂರಿಯಾಗಿ ಏಳು ಹೆಜ್ಜೆಗೆ ಸಾಕ್ಷಿಯಾಗಿದ್ರು. ಬೆಳಗ್ಗೆ ನಡೆದ ಮುಹೂರ್ತ ಧಾರೆಗೆ ಮತ್ತು ಸಂಜೆ ನಡೆದ ರಿಸೆಪ್ಷನ್ ಪಾರ್ಟಿಗೆ ಚಿತ್ರರಂಗ ಮತ್ತು ರಾಜಕೀಯರಂಗದ ಗಣ್ಯರು ಆಗಮಿಸಿ, ನವ ಜೋಡಿಗೆ ಶುಭ ಹಾರೈಸಿದ್ರು. ಸದ್ಯ ನೀಲಿ ಕಡಲ ಕಿನಾರೆಯಲ್ಲಿ ಈ ಜೋಡಿ ಹಕ್ಕಿ ಮೋಜುಮಸ್ತಿಯಲ್ಲಿ ಮುಳುಗಿದೆ.
ಮದುವೆಯಲ್ಲಿ ಡಿಫರೆಂಟ್ ಕಾಸ್ಟ್ಯೂಮ್ನಲ್ಲಿ ಕಂಗೊಳಿಸಿದ ಈ ಜೋಡಿ, ದ್ವೀಪ ರಾಷ್ಟ್ರದಲ್ಲಿ ತುಂಡುಡುಗೆ ತೊಟ್ಟು ಜಾಲಿ ಮೋಡ್ನಲ್ಲಿ ಸಮಯ ಕಳೆಯುತ್ತಿದ್ದಾರೆ. ಮಾಲ್ಡೀವ್ಸ್ ಜಾಲಿ ಟ್ರಿಪ್ಪಿನ ಫೋಟೋ, ವೀಡಿಯೋಗಳನ್ನ ಕೃಷ್ಣ ಹಾಗೂ ಮಿಲನಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿದ್ದಾರೆ. ಸದ್ಯ ಕೃಷ್ಣ-ಮಿಲನಾ ಹಾಲಿಡೇ-ಹನಿಮೂನ್ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ನೋಡುಗರ ಗಮನ ಸೆಳೆಯುತ್ತಿದೆ.
