ಒಂಟಿ ಮನೆಯ ಅಸಲಿ ಆಟಕ್ಕೆ ಕೌಂಟ್ಡೌನ್ ಶುರು..! ಕಿಚ್ಚ ಇಟ್ಟ ಮುಹೂರ್ತದಲ್ಲಿಯೇ ಗ್ರ್ಯಾಂಡ್ ಓಪನಿಂಗ್..
ಕನ್ನಡ ಕಿರುತೆರೆ ಲೋಕದ ಫೇಮಸ್ ರಿಯಾಲಿಟಿ ಶೋ ಅಂದ್ರೆ ಓನ್ ಎಂಡ್ ಓನ್ಲಿ ಬಿಗ್ ಬಾಸ್..ಕರ್ನಾಟಕದ ಕೊಟ್ಯಾಂತರ ಮಂದಿಯನ್ನ ರಂಜಿಸುವಲ್ಲಿ ಯಶಸ್ವಿಯಾಗಿರೋ ಬಿಗ್ಬಾಸ್ನ 8ನೇ ಆವೃತ್ತಿಗೆ ವೇದಿಕೆ ಸಜ್ಜಾಗಿದೆ. ಕೊರೋನಾ ಕಾಣರಣದಿಂದ ಬಿಗ್ಬಾಸ್ ಮುಂದೂಡಲಾಗಿತ್ತು. ಈಗ ಕೊರೋನಾಕ್ಕೆ ಸೆಡ್ಡು,ಗ್ರ್ಯಾಂಡ್ ಓಪನಿಂಗ್ಗೆ ಕೇವಲ ಒಂದೇ ಒಂದು ದಿನ ಬಾಕಿಯಿದೆ.
ಪ್ರತಿ ಸೀಸನ್ಗಿಂತ ಈ ಸೀಸನ್ ಸಖತ್ ಡಿಫರೆಂಟ್..!
15 ಮಂದಿಯನ್ನು ಅರಮನೆಯಂತಹ ಒಂಟಿಮನೆಯಲ್ಲಿ ಹೊರ ಜಗತ್ತಿನ ಸಂಪರ್ಕ ಇಲ್ಲದಂತೆ ಒಂದೇ ಮನೆಯಲ್ಲಿ ಕೂಡಿ ಹಾಕಿ ಅವ್ರ ಸ್ವಭಾವ ಹೇಗಿದೆ, ಹೇಗೆ ಪ್ರೀತಿಸ್ತಾರೆ, ಹೇಗೆ ಜಗಳ ಆಡ್ತಾರೆ ಅನ್ನುವುದರ ಜೊತೆಗೆ ಒಂದಿಷ್ಟು ಟಾಸ್ಕ್ಗಳನ್ನು ಕೊಟ್ಟು ವೀಕ್ಷಕರನ್ನು ಎಂಟರ್ಟೈನ್ ಮಾಡೋದೆ ಈ ಕಾರ್ಯಕ್ರಮದ ಕಾನ್ಸೆಪ್ಟ್. ಆದ್ರೆ ಈ ಸೀಸನ್ನಲ್ಲಿ ಸ್ವಲ್ಪ ಚೇಂಜ್.. ಬಿಗ್ ಬಾಸ್ ಸೀಸನ್ 8ರಲ್ಲಿ 15 ಜನ ಇರುವುದಿಲ್ಲ ಬದಲಿಗೆ ಬರೋಬರಿ 17 ಜನ ಬಿಗ್ ಮನೆಯೊಳಗೆ ಹೋಗ್ತಾರೆ.
ಬಿಗ್ಬಾಸ್ನಲ್ಲಿ ಕಾಮನ್ಮ್ಯಾನ್ ಅಥವಾ ಸೆಲಿಬ್ರೆಟಿನಾ..?
ಸಾಮಾನ್ಯವಾಗಿ ಬಿಗ್ ಬಾಸ್ ಶುರುವಾಗುತ್ತೆ ಅಂದ್ರೆ ಪ್ರೇಕ್ಷಕರಲ್ಲಿ ಒಂಥರಾ ಕೂತುಹಲವಿರುತ್ತೆ. ಯಾಱರು ಹೋಗ್ತಾರೆ ಆ ದೊಡ್ಮನೆಗೆ..ಹೇಗಿರುತ್ತೆ ಅಂತೆಲ್ಲಾ ಬಿಗ್ ಬಾಸ್ ಪ್ರೇಕ್ಷಕರ ಮನಸ್ಸಲ್ಲಿ ಪ್ರಶ್ನೆಗಳು ಮೂಡುತ್ತವೆ. ಯೆಸ್ ಈ ಬಾರಿ ಬಿಗ್ಬಾಸ್ ಮನೆಯೊಳಗೆ ಕಾಮನ್ ಮ್ಯಾನ್ಗೆ ನೋ ಎಂಟ್ರಿ. ಸೀಸನ್ ಒಂದರಲ್ಲಿ ಬರೀ ಬೇರೆ ಬೇರೆ ಕ್ಷೇತ್ರದ ಸೆಲಬ್ರೆಟಿಗಳು ರಂಜಿಸುತ್ತಿದ್ದರು. ಇದ್ರಂತೆ ಬಿಗ್ಬಾಸ್ ಸೀಸನ್ 8ರಲ್ಲಿಯೂ ಬರೀ ಸೆಲಬ್ರೆಟಿಗಳೇ ಮೋಡಿ ಮಾಡಲಿದ್ದಾರೆ.
100 ದಿನ ಈ ಸುಂದರ ಬಂದೀಖಾನೆಯೊಳಗೆ ಸೆರೆಯಾಗೋಱರು..?
ಸಾಮಾನ್ಯವಾಗಿ ಬಿಗ್ಬಾಸ್ ಕೆಲ ಸೀಸನ್ಗಳಲ್ಲಿ ಬರೀ ಸೆಲಬ್ರೆಟಿಗಳಿಂದ್ರೆ. ಇನ್ ಕೆಲ ಸೀಸನ್ನಲ್ಲಿ ಜಾಸ್ತಿ ಕಾಮನ್ ಹಾಗೂ ಸ್ವಲ್ಪ ಸೆಲಬ್ರೆಟಿಗಳಿರತ್ತಿದ್ರು. ಇನ್ನೂ ಕೆಲ ಸೀಸನ್ಗಳಲ್ಲಿ ಕಾಮನ್ಮ್ಯಾನ್ ಹಾಗೂ ಸೆಲಬ್ರೆಟಿಗಳು ಸಮವಾಗಿರತ್ತಿದ್ರು. ಆದ್ರೆ ಈ ಬಾರಿ ಬಿಗ್ಬಾಸ್ ಸೀಸನ್ 8ರಲ್ಲಿ ಎಲ್ಲಾ ಕ್ಷೇತ್ರದ ಸೆಲಬ್ರೆಟಿಗಳಿರುತ್ತಾರೆ. ಆ್ಯಕ್ಟರ್ ಸಿಂಗರ್, ಕಾಮಿಡಿಯನ್, ರಾಜಕೀಯ, ಸ್ಪೋರ್ಟ್ಸ್ ಸೇರಿದಂತೆ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡಿರುವ ಸೆಲಬ್ರೆಟಿಗಳು, ದೊಡ್ಮನೆಯ ಆಟದಲ್ಲಿ ಭಾಗಿಯಾಗ್ತಾರೆ. ಇನ್ನು ಈ ವರ್ಷ ಬಿಗ್ಬಾಸ್ ಲೋಗೋ ಸಹ ಡಿಫರೆಂಟ್ ಆಗಿದೆ.ಇನ್ನೊಂದು ವಿಶೇಷ ಅಂದ್ರೆ ಈ ವರ್ಷ ಬಿಗ್ಬಾಸ್ ಸೀಸನ್ 8 ರ ಜೊತೆಗೆ ಬಿಗ್ಬಾಸ್ ಸೀಸನ್ 9 ಸಹ ನಡೆಯುವ ಸಾಧ್ಯತೆಯಿದೆ.
ಎಲ್ಲಾ ಸೀಸನ್ಗಿಂತ ಈ ಸೀಸನ್ ಬಿಗ್ಬಾಸ್ ಹೊಸ ರೂಪದಲ್ಲಿರುತ್ತದೆ. ಪ್ರತಿ ಸೀಸನ್ನಂತೆ ಈ ಸೀಸನ್ನಲ್ಲಿಯೂ ಹಲವು ಹೊಸತುಗಳು ಇರುತ್ತದೆ. ಬಿಗ್ ಮನೆಯ ವಿನ್ಯಾಸದಲ್ಲಿ ಬದಲಾವಣೆಗಳಿರುತ್ತದೆ. ದೊಡ್ಮನೆ ಗೇಮ್ಗಳು ಚೇಂಜ್ ಇರುತ್ತದೆ. 17 ಮಂದಿಯ ನಿದ್ದೆಗೆಡಿಸುವ ಬಣ್ಣ ಬಣ್ಣದಿಂದ ಕೂಡಿರುವ ಒಂದು ದೊಡ್ಡ ಮನೆಯಲ್ಲಿ, ವ್ಯಕ್ತಿತ್ವದ ಬಣ್ಣಗಳನ್ನ ಬಯಲು ಮಾಡುವ ಆಯಾಮಗಳಿರುತ್ತದೆ. ಇದ್ರಿಂದ ನೋಡುಗರಿಗೆ ಹೊಸತನದ ಫೀಲ್ ಆಗುತ್ತದೆ.
ಕೊರೋನಾಕ್ಕೆ ಡಿಚ್ಚಿ ಹೊಡೆದು ಶುರುವಾಯ್ತು ಬಿಗ್ಬಾಸ್..!
ಬಿಗ್ಬಾಸ್ ಸೀಸನ್ 8 ಈಗಾಗಲೇ ಶುರುವಾಗಿ, ಮುಗಿಸಬೇಕಿತ್ತು. ಆದ್ರೆ ಡೆಡ್ಲಿ ಕೊರೋನಾದ ಕಾರಣ ಬಿಗ್ಬಾಸ್ ಸೀಸನ್ 8 ಮುಂದೂಡಲಾಗಿತ್ತು. ಈಗ ಕಿಚ್ಚ ಸುದೀಪ್ ಇಟ್ಟ ಮುಹೂರ್ತದಲ್ಲಿಯೇ ಅದ್ಧೂರಿಯಾಗಿ ಶುರುವಾಗಲಿದೆ ಬಿಗ್ಬಾಸ್. ಇನ್ನೂ ಸಹ ಕೊರೋನಾ ಇರೋ ಕಾರಣ ಬಿಗ್ ಬಾಸ್ ಮನೆಯಲ್ಲಿ, ಆಟದಲ್ಲಿ ಸ್ವಲ್ಪ ಚೇಂಜ್ ಆಗಿದೆ.
ಯೆಸ್ ಈಗಾಗಲೇ ಕೊರೊನಾ ಪರೀಕ್ಷೆ ಮಾಡಿಸಿ, ಬಿಗ್ಬಾಸ್ ಶುರುವಾಗುವ ಒಂದು ವಾರದ ಮೊದಲೇ, ಸ್ಪರ್ಧಿಗಳನ್ನು ಕ್ವಾರಂಟೈನ್ ಮಾಡಲಾಗಿದೆ. ಮೂರು ಬಾರಿ ಕೊರೊನಾ ಪರೀಕ್ಷೆ ಮಾಡಲಾಗುವುದು. ಪಾಸಿಟಿವ್ ಬಂದಲ್ಲಿ ಆ ಸ್ಪರ್ಧಿಗಳನ್ನು ಬಿಗ್ ಬಾಸ್ ಮನೆಗೆ ಕಳಿಸಲಾಗುವುದಿಲ್ಲ. ಹಾಗೇ ದೊಡ್ಮನೆಯೊಳಗೆ ಎಂಟ್ರಿ ಕೊಟ್ಟ ದಿನದಿಂದ, ಹೊರಗೆ ಬರುವ ದಿನದವರೆಗೂ ಮಾಸ್ಕ್, ಸಾನಿಟೈಸರ್ ಸೇರಿದಂತೆ ಸೇಫ್ಟಿ ಮೆಜರ್ಮೆಂಟ್ ಇರುತ್ತದೆ.
17 ಸ್ಪರ್ಧಿಗಳು, 80 ಕ್ಯಾಮೆರಾಗಳು !
ದೊಡ್ಮನೆ ನೋಡೋಕ್ಕೆ ಒಂಥರಾ ಚೆಂದ,ಕಲರ್ ಫುಲ್ ಲೈಟಿಂಗ್, ನೂರಾರು ಕ್ಯಾಮೆರಾಗಳು, ಡಿಫರೆಂಟ್ ಮಾದರಿಯ ಗಾರ್ಡನ್ ಸೇರಿದಂತೆ ಕಿಚನ್ ನೋಡುಗರನ್ನ ಸಿಕ್ಕಾಪಟ್ಟೆ ಅಟ್ರ್ಯಾಕ್ಟ್ ಮಾಡುತ್ತೆ. ಈ ಒಂಟಿ ಮನೆಯಲ್ಲಿ ಹೆಜ್ಜೆ ಇಟ್ಟಲ್ಲೆಲ್ಲಾ ನೂರಾರು ಕ್ಯಾಮೆರಾಗಳು, ಸ್ಪರ್ಧಿಗಳನ್ನೇ ಫೋಕಸ್ ಮಾಡ್ತಿರುತ್ತದೆ. 24 ಗಂಟೆಯೂ ಅವರ ಚಲನವಲನಗಳು ಕ್ಯಾಮೆರಾ ಕಣ್ಣುಗಳಲ್ಲಿ ಸೆರೆಯಾಗ್ತಿರುತ್ತದೆ. ಇದ್ರಂತೆ ಈ ಬಾರಿ ಬಿಗ್ಬಾಸ್ ಮನೆಯಲ್ಲಿ 80 ಕ್ಯಾಮೆರಾಗಳ ಕಣ್ಗಾವಲಿರುತ್ತದೆ.
ಈ 80 ಕ್ಯಾಮೆರಗಳು 17 ಮಂದಿಯನ್ನು ಅರಮನೆಯಂತಹ ಒಂಟಿಮನೆಯಲ್ಲಿ ಹೊರ ಜಗತ್ತಿನ ಸಂಪರ್ಕ ಇಲ್ಲದಂತೆ ಒಂದೇ ಮನೆಯಲ್ಲಿ ಕೂಡಿ ಹಾಕಿ ಅವ್ರ ಸ್ವಭಾವ ಹೇಗಿದೆ, ಹೇಗೆ ಪ್ರೀತಿಸ್ತಾರೆ, ಹೇಗೆ ಜಗಳ ಆಡ್ತಾರೆ ಅನ್ನುವುದರ ಜೊತೆಗೆ ಒಂದಿಷ್ಟು ಟಾಸ್ಕ್ಗಳನ್ನು ಕೊಟ್ಟು ವೀಕ್ಷಕರನ್ನು ಎಂಟರ್ಟೈನ್ ಮಾಡಲು ಸಹಕಾರಿಯಾಗುತ್ತೆ. ಈ ಭಾರಿ ಇದಲ್ಲದೇ ಒಂದೊಂದು ಸ್ಪರ್ಧಿಗಳ ಚಲನವಲನಗಳನ್ನ ಗಮನಿಸಲು ನಾಲ್ಕು ಜನರಿರುತ್ತಾರೆ.
‘ಬಿಗ್ಬಾಸ್-8’ ಸ್ಟೈಲಿಶ್ ಹೋಸ್ಟ್ ಕಿಚ್ಚ ಸುದೀಪ್..!
ಸ್ಟೈಲಿಶ್ಗೆ ಹೆಸ್ರುವಾಸಿಯಾದ ಕಿಚ್ಚ ಸುದೀಪ್ ನಿರೂಪಣೆಯಲ್ಲಿಯೂ ಸಖತ್ ಸ್ಟೈಲಿಶ್. ಕಳೆದ ಏಳು ಸೀಸನ್ಗಳನ್ನು ಹೋಸ್ಟ್ ಮಾಡಿರೋ ನಟ ಕಿಚ್ಚ ಸುದೀಪ್. ಈ ಸೀಸನ್ನಲ್ಲಿಯೂ ದೊಡ್ಮನೆ ನೇತೃತ್ವ ವಹಿಸಿಕೊಂಡಿದ್ದಾರೆ. ಸತತ 7 ಸೀಸನ್ಗಳಲ್ಲಿ ಸ್ಟೈಲಿಷ್ ಜೊತೆಗೆ ಜವಾಬ್ದಾರಿಯುತ ನಿರೂಪಣೆ ಮಾಡಿದ್ದ ಕಿಚ್ಚ, ಈ ಬಾರಿ ಕೂಡ ಭರ್ಜರಿ ಸಿದ್ದತೆ ಮಾಡ್ಕೊಂಡು, ಹೊಸ ಹುರುಪಿನಿಂದ ಎದುರು ನೋಡ್ತಿದ್ದಾರೆ.
ನಿಮ್ಮ ಮನೆಯವರೇ ಆಗಲಿರೊ ಆ 17 ಬಂಧುಗಳ್ಯಾರು..?
ಅರೇ ಇದೆಲ್ಲಾ ಓಕೆ ಬಿಗ್ಬಾಸ್ ಮನೆಯೊಳಗೆ ಯಾರ್ ಹೋಗ್ತಾರೆ ಅಂತ ಕೇಳೋಕ್ಕೆ ವೈಟ್ ಮಾಡ್ತಿದ್ದಿರಲ್ವ. ಹೌದು ನಿಮ್ಮ ನಿರೀಕ್ಷೆಯಂತೆ ಈ ಬಾರಿ ಒಂಟಿ ಮನೆಯೊಳಗೆ ಹೋಗುವರು ಸ್ಟಾರ್ ಆ್ಯಕ್ಟರ್ಸ್ಗಳೇ..ಅದ್ರಲ್ಲಿಯೂ ಬ್ರಹ್ಮಗಂಟು ಸೀರಿಯಲ್ ಮೂಲಕ ರಾಜ್ಯಾದ್ಯಂತ ಫೇಮಸ್ ಆಗಿರೋ ಕಿರುತೆರೆ ನಟಿ ಗೀತಾ ಭಾರತಿ ಭಟ್, ಸ್ಯಾಂಡಲ್ವುಡ್ ಖ್ಯಾತ ನಟಿ ಶುಭಾ ಪೂಂಜಾ, ಆನುಷಾ ರಂಗನಾಥ್, ವಿನಯ್ ಪ್ರಸಾದ್ ಸೇರಿದಂತೆ ಒಂದು ಖಾಸಗಿ ಚಾನೆಲ್ ನಿರೂಪಕ ಪಕ್ಕಾ ಆಗಿದ್ದಾರೆ ಅನ್ನೋ ಮಾಹಿತಿಯಿದೆ.
ಒಟ್ನಲ್ಲಿ .. ಯಾರಾದ್ರು ಹೋಗ್ಲಿ, ನಮಗೆ ಎಂಟರ್ಟ್ರೈನ್ಮೆಂಟ್ ಬೇಕಷ್ಟೆ ಅಂತಿದ್ದಾರೆ ಬಿಗ್ಬಾಸ್ನ ನಿಯತ್ತಿನ ವೀಕ್ಷಕರು. ಎನಿ ವೇ ಫೆಬ್ರವರಿ 28, ಸಂಜೆ 6ಗಂಟೆಯವರೆಗೆ ಕಾದ್ರೆ, ಬಿಗ್ಬಾಸ್ ಶೋನ ಅಸಲಿ ಮಜವನ್ನ ನೀವು ಸವಿಯಬಹುದು.
