ಫುಡ್​ ಕಿಟ್​ಗಾಗಿ ಮುಗಿಬಿದ್ದು ಗಂಟೆಗಟ್ಟಲೆ ಕಾದ ಕಾರ್ಮಿಕರು..! ಕೊನೆಗೂ ಬರಲೇ ಇಲ್ಲ ಫುಡ್ ಕಿಟ್

ಬಡತನ  ಇನ್ನೂ ನಮ್ಮ ಮಧ್ಯೆ ಎಷ್ಟರ ಮಟ್ಟಿಗೆ ಜೀವಂತವಾಗಿದೆ ಎಂಬುದಕ್ಕೆ ಈಗ ನಾವು ಹೇಳುತ್ತಿರುವ ಸ್ಟೋರಿಯೇ ಸಾಕ್ಷಿ, ಫುಡ್​ಕಿಟ್​ ಕೊಡುತ್ತಾರೆ ಎಂಬ ಸುಳ್ಳು ವದಂತಿಯಿಂದ ಬಡ ಕಾರ್ಮಿಕರು ಎಷ್ಟರ ಮಟ್ಟಿಗೆ ಪರದಾಡಿದ್ದಾರೆ ನೀವೆ ನೋಡಿ.

ಕಾರ್ಮಿಕ ಇಲಾಖೆಯ ಫುಡ್ ಕಿಟ್ ವಿತರಣೆ ಮಾಡುತ್ತದೆ ಅಂತ ಯಾರೋ ಹೇಳಿದ್ದಾರೆ. ಈ ವಿಷಯ ತಿಳಿದ ಜನ ನಾ ಮುಂದೆ ತಾ ಮುಂದೆ ಅಂತ ಕ್ಯೂ ನಿಂತು ಬಂದ ದಾರಿಗೆ ಸುಂಕ ಇಲ್ಲದೆ ವಾಪಸ್​ ಆಗಿದ್ದಾರೆ. ಕಾರ್ಮಿಕ ಇಲಾಖೆಯಿಂದ ಮಧ್ಯಾಹ್ನ 3-30 ರ ಬಳಿಕ ಕಿಟ್ ವಿತರಿಸುತ್ತಾರೆ ಎಂದು ತಿಳಿದ  ನೂರಾರು ಜನ ರಾಯಚೂರಿನ ಬಾಲಕಿಯರ ವಸತಿ ನಿಲಯದ‌ ಮುಂದೆ ಕ್ಯೂ ನಿಂತಿದ್ದಾರೆ.

ಕಿಟ್ ಪಡೆಯಲು ರಾಯಚೂರು ನಗರದ ವಿವಿಧೆಡೆಯಿಂದ  ಕಟ್ಟಡ ಕಾರ್ಮಿಕರು, 12 ಗಂಟೆಗಳ ಮುಂಚೆಯೇ ಬಂದು ಕಾದು ಕುಳಿತಿದ್ದಾರೆ,    ಈ ವೇಳೆ ಸಾಮಾಜಿಕ ಅಂತರ, ಕೋವಿಡ್ ನಿಯಮ‌ ಮರೆತಿದ್ದಾರೆ. ಕಿಟ್ ಬಗ್ಗೆ ಸೂಕ್ತ ಮಾಹಿತಿ ನೀಡದ ಕಾರ್ಮಿಕ ಇಲಾಖೆಯಿಂದ ಅಧಿಕಾರಿಗಳಿಗಾಗಿ ಕಾದು ಕುಳಿತದ್ದರು.  ಅಧಿಕಾರಿಗಳ ಮಾಹಿತಿ ಕೊರತೆಯಿಂದ ಕಿಟ್ ಗಾಗಿ ಕಾರ್ಮಿಕರ ಪರದಾಡಿದ್ದಾರೆ. ಅತ್ತ ಕಿಟ್ಟೂ‌ ಇಲ್ಲದೇ, ಇತ್ತ ದಿನ ಕೆಲಸವೂ ಇಲ್ಲದಂತಾಗಿದೆ.