ಕರೋನಾ ಎಫೆಕ್ಟ್: ಮೆಟ್ರೋ ನೌಕರರ ವೇತನಕ್ಕೆ ಕತ್ತರಿ
ಆಗಸ್ಟ್ ತಿಂಗಳಿನಿಂದ ನೌಕರರ ವೇತನ ಮತ್ತು ಭತ್ಯೆಯನ್ನು ಶೇಕಡಾ 50 ರಷ್ಟು ಕಡಿತಗೊಳಿಸಲು ಡಿಎಂಆರ್‌ಸಿ ಆದೇಶಿಸಿದೆ.
ನವದೆಹಲಿ: ಕರೋನಾದಿಂದಾಗಿ ದೆಹಲಿ ಮೆಟ್ರೋ (Delhi Metro) ನೌಕರರ ವೇತನದಲ್ಲಿ ದೊಡ್ಡ ಕಡಿತವಾಗಲಿದೆ. ಆಗಸ್ಟ್ ತಿಂಗಳಿನಿಂದ ಅವರ ವೇತನ ಮತ್ತು ಭತ್ಯೆಯನ್ನು ಶೇಕಡಾ 50 ರಷ್ಟು ಕಡಿತಗೊಳಿಸಲು ಡಿಎಂಆರ್‌ಸಿ (DMRC) ಆದೇಶಿಸಿದೆ. ವಾಸ್ತವವಾಗಿ ಕರೋನಾದಿಂದಾಗಿ ಕಳೆದ ನಾಲ್ಕು ತಿಂಗಳಿನಿಂದ ಮೆಟ್ರೋ ಸೇವೆಗಳನ್ನು ಸಂಪೂರ್ಣವಾಗಿ ಮುಚ್ಚಲಾಗಿದೆ. ಇದರಿಂದಾಗಿ ಸಾಕಷ್ಟು ನಷ್ಟವಾಗಿದೆ. ಈ ಕಾರಣದಿಂದ ಡಿಎಂಆರ್‌ಸಿ ಈ ನಿರ್ಧಾರ ಕೈಗೊಂಡಿದೆ.
ಕರೋನಾದಿಂದಾಗಿ ಮೆಟ್ರೋ ಸೇವೆಗಳ ಕಾರ್ಯಾಚರಣೆ ಸ್ಥಗಿತಗೊಂಡಿದೆ ಎಂದು ಡಿಎಂಆರ್‌ಸಿ ಹೇಳಿದೆ. ಇದರಿಂದಾಗಿ ಉಂಟಾಗುವ ಕಠಿಣ ಆರ್ಥಿಕ ಪರಿಸ್ಥಿತಿಯಿಂದಾಗಿ ಆಗಸ್ಟ್‌ನಿಂದ ಮೆಟ್ರೋ ನೌಕರರ ವೇತನ ಮತ್ತು ಭತ್ಯೆಯನ್ನು ಶೇಕಡಾ 50 ರಷ್ಟು ಕಡಿತಗೊಳಿಸಲಾಗುತ್ತದೆ. ಆಗಸ್ಟ್ ತಿಂಗಳ ಸಂಬಳದಿಂದ ಇದನ್ನು ಪರಿಣಾಮಕಾರಿ ಎಂದು ಪರಿಗಣಿಸಲಾಗುತ್ತದೆ. ಈ ಅವಧಿಯಿಂದ, 15.75% ಮೂಲ ವೇತನದೊಂದಿಗೆ ಸಂಬಳ ಮತ್ತು ಭತ್ಯೆಗಳನ್ನು ಪಾವತಿಸಲಾಗುವುದು.
ಇದರೊಂದಿಗೆ ಹೌಸ್ ಬಿಲ್ಡಿಂಗ್ ಅಡ್ವಾನ್ಸ್, ವಿವಿಧೋದ್ದೇಶ ಅಡ್ವಾನ್ಸ್, ಲ್ಯಾಪ್‌ಟಾಪ್ ಅಡ್ವಾನ್ಸ್, ಫೆಸ್ಟಿವಲ್ ಅಡ್ವಾನ್ಸ್ ಅನ್ನು ಕೂಡಲೇ ನಿಷೇಧಿಸಲಾಗುತ್ತಿದೆ ಎಂದು ಡಿಎಂಆರ್‌ಸಿ ತಿಳಿಸಿದೆ. ಆದಾಗ್ಯೂ ಈಗಾಗಲೇ ಅನುಮತಿ ನೀಡಲಾಗಿರುವ ವಿಷಯಗಳಿಗೆ, ಬೇಡಿಕೆಯ ಸಂದರ್ಭದಲ್ಲಿ ಸಂಬಂಧಿತ ಪಾವತಿಗಳನ್ನು ಮಾಡಲಾಗುವುದು.
