ಬಾಲಕನ ಪ್ರತಿಭೆಗೆ ಪವರ್ ಸ್ಟಾರ್ ಫಿದಾ..! ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ಶೇರ್ ಮಾಡಿಕೊಂಡ ‘ದೊಡ್ಮನೆ’ ಹುಡುಗ..!!
ಇತ್ತೀಗೆ ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟೀವ್ ಆಗಿರ್ತಾರೆ. ಅದರಲ್ಲೂ ಈ ಲಾಕ್ಡೌನ್ ಟೈಮ್ನಲ್ಲಿ ವರ್ಕೌಟ್ ವಿಡಿಯೋಗಳನ್ನು ಹಾಕಿ ಅಭಿಮಾನಿಗಳ ಗಮನ ಸೆಳೆದಿದ್ದರು. ಹಬ್ಬದ ಶುಭಾಶಯಗಳು, ಫಿಟ್ನೆಸ್ಗೆ ಬೇಕಾದ ವಿಡಿಯೋಗಳನ್ನೆಲ್ಲಾ ಅಪ್ ಲೋಡ್ ಮಾಡುತ್ತಿದ್ದರು. ಹೀಗೆ ಒಂದು ವಿಶೇಷ ಅನ್ನಿಸುವಂತ ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ.
ನಾಲ್ಕು ವರ್ಷದ ಬಾಲಕ ಆಕಾಶ್ ಭಟ್ ಡಾ. ರಾಜ್ ನಟನೆಯ ಬಭ್ರುವಾಹನ ಚಿತ್ರದ ಡೈಲಾಗ್ ಅನ್ನು ನಿರರ್ಗಳವಾಗಿ ಹೇಳಿದ್ದಾನೆ ಜೊತೆಗೆ ಅಭಿನಯ ಕೂಡ ಮಾಡಿದ್ದಾನೆ. ಅದನ್ನ ಪತ್ರಕರ್ತರೊಬ್ಬರು ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರಿಗೆ ಕಳುಹಿಸಿಕೊಟ್ಟಿದ್ದಾರೆ. ಅದನ್ನ ಫೇಸ್ಬುಕ್ ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ವಿಡಿಯೋ ಶೇರ್ ಮಾಡಿಕೊಳ್ಳುವ ಮುಂಚೆ ಒಂದಷ್ಟು ಅಭಿಮಾನದ ಮಾತುಗಳನ್ನು ಹಾಡಿದ್ದಾರೆ. ನಮ್ಮ ತಂದೆಯವರು ಮಾಡಿದ ಈ ಅಭಿನಯ ಇಂಥ ಪುಟ್ಟ ಅಭಿಮಾನಿಯ ಹೃದಯ ತಟ್ಟಿದೆ ಅಂದ್ರೆ, ಎಷ್ಟು ಸಂತೋಷ ಆಗುತ್ತೆ. ನನ್ನ ತಂದೆಯವರು ಹೇಳ್ತಿದ್ದ ಮಾತು ನಿಜಾನೇ. ಅಭಿಮಾನಿಗಳೇ ದೇವರು ಎಂಬುದು. ಈ ಪುಟ್ಟ ಅಭಿಮಾನಿಗೆ ನನ್ನ ವಂದನೆಗಳು ಎಂದಿದ್ದಾರೆ ಪುನೀತ್ ರಾಜ್ಕುಮಾರ್.
