ಬಹು ನಿರೀಕ್ಷಿತ iPhone16 Series ಬಿಡುಗಡೆ: ಭಾರತದಲ್ಲಿ ಅಗ್ಗದ ಬೆಲೆಯಲ್ಲಿ ಐಫೋನ್ 16 ಲಭ್ಯ, ಇಲ್ಲಿದೆ ಫುಲ್ ಡೀಟೈಲ್ಸ್

iPhone 16 Price In India: ಬಹು ನಿರೀಕ್ಷಿತ ಆ್ಯಪಲ್ ಕಂಪನಿಯ ಹೊಸ ಸೀರಿಸ್ iPhone16 ಬಿಡುಗಡೆಯಾಗಿದೆ. ಹಲವಾರು ಹೊಸ ವೈಶಿಷ್ಟ್ಯಗಳೊಂದಿಗೆ ಟಿಮ್ ಕುಕ್ ಐಫೋನ್ 16 ಸೀರೀಸ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದ್ದಾರೆ. ಟಿಮ್ ಕುಕ್  ಭಾರತ ಸೇರಿ ಹಲವು ದೇಶಗಳಲ್ಲಿ iPhone16 ಬಿಡುಗಡೆ ಮಾಡಿದ್ದು ಆಕರ್ಷಕ ಮತ್ತು ಅತ್ಯಾಧುನಿಕ ಮಾದರಿಯ ಐಫೋನ್ ಗ್ರಾಹಕರನ್ನು ತನ್ನತ್ತ ಸೆಳೆಯುತ್ತಿದೆ. ಅದರಲ್ಲೂ ಐಫೋನ್ ಪ್ರೋ ವರ್ಷನ್‌ನಲ್ಲಿ ಬಹಳಷ್ಟು ಬದಲಾವಣೆ ಮಾಡಲಾಗಿದೆ. iPhone15ಗಿಂತ iPhone16 ಪ್ರೋದಲ್ಲಿ ಗಮನಾರ್ಹ ಬದಲಾವಣೆಯಾಗಿದೆ. ಆದಾಗ್ಯೂ, ಟಿಮ್ ಕುಕ್ ಐಫೋನ್ 15 ಮಾದರಿಯ ಮೌಲ್ಯದಲ್ಲೇ ಹೊಸ ಸರಣಿಯ ಬೆಲೆಯನ್ನು ನಿಗಡಿಗೊಳಿಸಿರುವುದು ವಿಶೇಷವಾಗಿದೆ.

ಭಾರತದಲ್ಲಿ ಆಪಲ್ ನಾಲ್ಕು ಐಫೋನ್ ಮಾದರಿಗಳ (iphone 16, iPhone 16 Plus, iPhone 16 Pro ಮತ್ತು iPhone 16 Pro Max) ಬೆಲೆ ಎಷ್ಟಿದೆ? 
* ಭಾರತದಲ್ಲಿ iPhone 16 ಬೆಲೆ 79,900 ರೂ.
* iPhone 16 Plus ನ ಬೆಲೆ 89,900 ರೂ.
* iPhone 16 Pro ನ ಬೆಲೆ 1,19,900 ರೂ.ನಿಂದ ಪ್ರಾರಂಭವಾಗುತ್ತದೆ.
* iPhone 16 Pro Max ಬೆಲೆ 1,44,900 ರೂ.  ಇದು ಆ್ಯಪಲ್ ನ ಈ ಸರಣಿಯ ಅತ್ಯಂತ ದುಬಾರಿ ಫೋನ್ ಆಗಿದೆ.

ಐಫೋನ್ 16 ಮತ್ತು ಐಫೋನ್ 16 ಪ್ಲಸ್ ಡಿಸ್ಪ್ಲೇ (iPhone 16 and iPhone 16 Plus display): 
ಐಫೋನ್ 16 6.1 ಇಂಚಿನ ಡಿಸ್ಪ್ಲೇ ಹೊಂದಿದ್ದರೆ, ಐಫೋನ್ 16 ಪ್ಲಸ್ 6.7 ಇಂಚಿನ ಡಿಸ್ಪ್ಲೇ ಹೊಂದಿದೆ. ಎರಡೂ ಫೋನ್‌ಗಳ ಸ್ಕ್ರೀನ್‌ಗಳು ತುಂಬಾ ಪ್ರಕಾಶಮಾನವಾಗಿದೆ. ಹೊಸ ಐಫೋನ್‌ನಲ್ಲಿ ಆಪಲ್ ಹೊಸ ಬಟನ್ ನೀಡಿದ್ದು ಇದಕ್ಕೆ “ಆಕ್ಷನ್ ಬಟನ್” ಎಂದು ಹೆಸರಿಸಿದೆ. ಇದರ ಮೂಲಕ ಧ್ವನಿ ಮೆಮೊಗಳನ್ನು ತ್ವರಿತವಾಗಿ ರೆಕಾರ್ಡ್ ಮಾಡಬಹುದು. ಜೊತೆಗೆ ಹಾಡುಗಳನ್ನು ಗುರುತಿಸಲು, ಭಾಷೆಗಳನ್ನು ಅನುವಾದಿಸಲು ಕೂಡ ಇದರಿಂದ ಸಾಧ್ಯವಾಗುತ್ತದೆ.

ಐಫೋನ್ 16 ಮತ್ತು ಐಫೋನ್ 16 ಪ್ಲಸ್ ಕ್ಯಾಮರಾ (iPhone 16 and iPhone 16 Plus camera): 
ಐಫೋನ್ 16 ಅತ್ಯುತ್ತಮ 48MP ಕ್ಯಾಮೆರಾವನ್ನು ಹೊಂದಿದೆ. ಈ ಕ್ಯಾಮರಾ 48MP ಮತ್ತು 12MP ಫೋಟೋಗಳನ್ನು ಸಂಯೋಜಿಸುವ ಮೂಲಕ 24MP ಫೋಟೋವನ್ನು ರಚಿಸುತ್ತದೆ. ಐಫೋನ್ 16 ನಲ್ಲಿ ಲಭ್ಯವಿರುವ ಹೊಸ ವೈಶಿಷ್ಟ್ಯವೆಂದರೆ  ಇದರಲ್ಲಿ ಕ್ಯಾಮೆರಾದ ಸೆಟ್ಟಿಂಗ್‌ಗಳನ್ನು ಸುಲಭವಾಗಿ ಬದಲಾಯಿಸಬಹುದು. Phone 16 ನೊಂದಿಗೆ ನೀವು 4K60 ವೀಡಿಯೊವನ್ನು ಶೂಟ್ ಮಾಡಬಹುದು, ಅದು ಉತ್ತಮ ಗುಣಮಟ್ಟದ್ದಾಗಿರುತ್ತದೆ. ಇದರ ಅಲ್ಟ್ರಾ-ವೈಡ್ ಕ್ಯಾಮೆರಾ ಕೂಡ ತುಂಬಾ ಚೆನ್ನಾಗಿದೆ ಎಂದು ಕಂಪನಿ ತಿಳಿಸಿದೆ.

ಐಫೋನ್ 16 ಮತ್ತು ಐಫೋನ್ 16 ಪ್ಲಸ್ ಫೋನ್‌ಗಳಲ್ಲಿ   ಆ್ಯಪಲ್ ನ  A18 ಚಿಪ್ ಅನ್ನು  ಸ್ಥಾಪಿಸಲಾಗಿದೆ. ಇದು ತುಂಬಾ ವೇಗವಾಗಿದ್ದು 6 ಕೋರ್ಗಳನ್ನು ಹೊಂದಿದೆ.  ಈ ಫೋನ್‌ನಲ್ಲಿ ಮೆಮೊರಿ ಕೂಡ 17% ಹೆಚ್ಚು ಇರುತ್ತದೆ.

ಐಫೋನ್  16 ಪ್ರೋ  ಮತ್ತು iPhone 16 ಪ್ರೋ ಮ್ಯಾಕ್ಸ್ ವಿನ್ಯಾಸ (iPhone 16 Pro and iPhone 16 Pro Max design): 
ಐಫೋನ್ 15ಗಿಂತ ಐಫೋನ್16 ಪ್ರೋದಲ್ಲಿ ಗಮನಾರ್ಹ ಬದಲಾವಣೆಗಳನ್ನು ಮಾಡಲಾಗಿದೆ.  ಐಫೋನ್ 16 ಪ್ರೊ  ಹೊಸ ಗೋಲ್ಡನ್ ಕಲರ್ ಹೊಂದಿದ್ದು, ಕ್ಯಾಮೆರಾವನ್ನು ಸುಲಭವಾಗಿ ನಿಯಂತ್ರಿಸಲು ಸಾಧ್ಯವಾಗುವಂತೆ ಹೊಸ ಬಟನ್ ಒದಗಿಸಲಾಗಿದೆ.

iPhone 16 Pro 6.3-ಇಂಚಿನ ಪರದೆಯನ್ನು ಹೊಂದಿದ್ದರೆ, iPhone 16 Pro Max 6.9-ಇಂಚಿನ ಪರದೆಯನ್ನು ಹೊಂದಿದೆ. ಈ ಎರಡೂ ಫೋನ್‌ಗಳು ಇದುವರೆಗೆ ಅತಿದೊಡ್ಡ ಐಫೋನ್‌ಗಳಾಗಿವೆ. ಈ ಫೋನ್‌ಗಳ ಅಂಚುಗಳು ತುಂಬಾ ತೆಳುವಾದವು ಮತ್ತು ಅವುಗಳ ಪರದೆಗಳು ಯಾವಾಗಲೂ ಆನ್ ಆಗಿರುತ್ತವೆ.

ಐಫೋನ್  16 ಪ್ರೋ  ಮತ್ತು iPhone 16 ಪ್ರೋ ಮ್ಯಾಕ್ಸ್ ಫೋನ್‌ಗಳು ಬ್ಲ್ಯಾಕ್ ಟೈಟಾನಿಯಂ, ವೈಟ್ ಟೈಟಾನಿಯಂ, ನ್ಯಾಚುರಲ್ ಟೈಟಾನಿಯಂ ಮತ್ತು ಹೊಸ ಡೆಸರ್ಟ್ ಟೈಟಾನಿಯಂ ಬಣ್ಣದಲ್ಲಿ ಲಭ್ಯವಿರುತ್ತದೆ.

ಹೊಸ ಚಿಪ್‌ಸೆಟ್: 
ಐಫೋನ್  16 ಪ್ರೋ  ಮತ್ತು iPhone 16 ಪ್ರೋ ಮ್ಯಾಕ್ಸ್ ಫೋನ್‌ಗಳಲ್ಲಿ  A18 Pro ಚಿಪ್ ಅನ್ನು ಅಳವಡಿಸಲಾಗಿದೆ. ಇದು 6 ಕೋರ್ಗಳನ್ನು ಹೊಂದಿದ್ದು ಐಫೋನ್ 15 ಪ್ರೊ ಚಿಪ್‌ಗಿಂತ ಹೆಚ್ಚು ವೇಗವಾಗಿ ಕಾರ್ಯನಿರ್ವಹಿಸಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಈ ಫೋನ್‌ನಲ್ಲಿ ProRes ವೀಡಿಯೊಗಳನ್ನು ಸಹ ರೆಕಾರ್ಡ್ ಮಾಡಬಹುದಾಗಿದ್ದು, USB 3 ಸಹಾಯದಿಂದ ಅತ್ಯಂತ ವೇಗವಾಗಿ ಡೇಟಾವನ್ನು ವರ್ಗಾಯಿಸಬಹುದು ಎಂದು ತಿಳಿದುಬಂದಿದೆ.

ಐಫೋನ್  16 ಪ್ರೋ  ಮತ್ತು iPhone 16 ಪ್ರೋ ಮ್ಯಾಕ್ಸ್ ಕ್ಯಾಮರಾ (iPhone 16 Pro and iPhone 16 Pro Max Camera): 
ಐಫೋನ್  16 ಪ್ರೋ  ಮತ್ತು iPhone 16 ಪ್ರೋ ಮ್ಯಾಕ್ಸ್ ಮೂರು ಕ್ಯಾಮೆರಾಗಳನ್ನು ಹೊಂದಿದ್ದು, ಇದರಲ್ಲಿ ಒಂದು 48MP ಕ್ಯಾಮರಾ ಇದು ತಕ್ಷಣವೇ ಚಿತ್ರಗಳನ್ನು ಸೆರೆಹಿಡಿಯುವ ಸಾಮರ್ಥ್ಯ ಹೊಂದಿದೆ. . ಈ ಕ್ಯಾಮೆರಾಗಳೊಂದಿಗೆ 4K ವೀಡಿಯೊಗಳನ್ನು ಸಹ ರೆಕಾರ್ಡ್ ಮಾಡಬಹುದು. ಇದು ಹೊಸ ಅಲ್ಟ್ರಾ-ವೈಡ್ ಕ್ಯಾಮೆರಾವನ್ನು ಸಹ ಹೊಂದಿದೆ, ಇದು ಹೆಚ್ಚಿನದನ್ನು ತೋರಿಸುತ್ತದೆ. ಎರಡೂ ಫೋನ್‌ಗಳು ಮತ್ತೊಂದು ಕ್ಯಾಮೆರಾವನ್ನು ಹೊಂದಿವೆ, ಇದು 12MP ಮತ್ತು 5x ಜೂಮ್ ಹೊಂದಿದೆ.