ಚಿತ್ರಮಂದಿರಗಳಲ್ಲಿ ಮತ್ತೆ ಶುರುವಾಯ್ತು ಹಬ್ಬದ ಸಂಭ್ರಮ..! ಮರಿಟೈಗರ್ ಪಂಚ್ಗೆ ಮೊದಲ ದಿನವೇ ಬಾಕ್ಸಾಫಿಸ್ ಚಿಂದಿ..!
ವಿನೋದ್ ಪ್ರಭಾಕರ್ ಅಭಿನಯದ ಮಿಸ್ಟ್ರಿ ಆ್ಯಕ್ಷನ್ ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆಯಾಗಿ ಭರ್ಜರಿ ಓಪನಿಂಗ್ ಪಡೆದುಕೊಂಡಿದೆ.. 10 ತಿಂಗಳ ನಂತ್ರ ಶೇ. 100ರಷ್ಟು ಆಸನ ಭರ್ತಿಗೆ ಅವಕಾಶ ಸಿಕ್ಕಿದ್ದು, ಮೊದಲ ದಿನ ಪ್ರೇಕ್ಷಕರು ಸಿನಿಮಾ ನೋಡಿ ಸಂಭ್ರಮಿಸಿದ್ರು.. ಥಿಯೇಟರ್ ಅಂಗಳಲ್ಲಿ ಮತ್ತೆ ಹಳೇ ಸಂಭ್ರಮ ಮರಳಿ ಬಂದಿತ್ತು..
ಕಾಮನ್ ಮ್ಯಾನ್ ಕಂಟ್ರೋಲ್ ತಪ್ಪಿದ್ರೆ, ಏನ್ ಮಾಡ್ತಾನೆ ಅನ್ನೋ ಥೀಮ್ ನಲ್ಲಿ ಶ್ಯಾಡೋ ಸಿನಿಮಾ ಮೂಡಿ ಬಂದಿದೆ.. ಟೀಸರ್, ಟ್ರೈಲರ್ನಿಂದ ಭಾರಿ ಸದ್ದು ಮಾಡ್ತಿದ್ದ ಸಿನಿಮಾ ಪ್ರೇಕ್ಷಕರ ಮನ ಗೆಲ್ಲುವಲ್ಲಿ ಸಕ್ಸಸ್ ಕಂಡಿದೆ.. ಮಿಸ್ಟ್ರಿ, ಫ್ಯಾಮಿಲಿ ಡ್ರಾಮಾ, ಆ್ಯಕ್ಷನ್, ರಿವೇಂಜ್, ಕಾಮಿಡಿ ಹೀಗೆ ಎಲ್ಲಾ ಕಮರ್ಷಿಯಲ್ ಎಲಿಮೆಂಟ್ಸ್ ಮಿಕ್ಸ್ ರವಿ ಗೌಡ ಚಿತ್ರವನ್ನ ಸೊಗಸಾಗಿ ಕಟ್ಟಿಕೊಟ್ಟಿದ್ದಾರೆ.. ಇನ್ನು ವಿನೋದ್ ಪ್ರಭಾಕರ್ ಮಾಸ್ ಅಭಿಮಾನಿಗಳಿಗಂತೂ ಶ್ಯಾಡೋ ಹೇಳಿ ಮಾಡಿಸಿದ ಸಿನಿಮಾ..
ಮಾಸ್ ಪ್ರೇಕ್ಷಕರಿಗೆ ಮನರಂಜನೆಯ ಹಬ್ಬದೂಟ ‘ಶ್ಯಾಡೋ’..!ರಾಜ್ಯಾದ್ಯಂತ ಮಿಸ್ಟ್ರಿ ಆ್ಯಕ್ಷನ್ ಚಿತ್ರಕ್ಕೆ ಸಿಕ್ತು ಭರ್ಜರಿ ರೆಸ್ಪಾನ್ಸ್..!
ನನ್ನ ನೆರಳು ಕಳೆದು ಹೋಗಿದೆ, ಹುಡುಕಿ ಕೊಡಿ ಹೀರೋ ಪೊಲೀಸ್ ಠಾಣೆ ಮೆಟ್ಟಿಲೇರ್ತಾನೆ.. ನೆರಳು ಕಳೆದು ಹೋಗೋದೇನು..? ಅಂತ ಪೊಲೀಸರು ತಲೆ ಕೆಡಿಸಿಕೊಂಡಾಗ ಕಥೆ ಬಿಚ್ಚಿಕೊಳ್ಳುತ್ತೆ.. ಒಂದು ಮರ್ಡರ್ ಕೇಸ್ನ ಹೀರೋ ರೀಓಪನ್ ಮಾಡಿಸ್ತಾನೆ, ಅಲ್ಲಿಂದ ಅಸಲಿ ಸಿನಿಮಾ ಶುರುವಾಗುತ್ತೆ..ಆತನ ನೆರಳು ಕಳೆದು ಹೋಗೋದಕ್ಕೂ ಈ ಮರ್ಡರ್ ಕೇಸ್ಗೂ ಏನ್ ಸಂಬಂಧ ಅನ್ನೋದನ್ನ ತೆರೆಮೇಲೆ ನೋಡಿ ಎಂಜಾಯ್ ಮಾಡ್ಬೇಕು.. ಮಿಸ್ಟ್ರಿ ಕಥೆ ಆಗಿರೋದ್ರಿಂದ ಕಂಪ್ಲೀಟ್ ಆಗಿ ಹೇಳಿದ್ರೆ, ಸಿನಿಮಾ ನೋಡೋ ಥ್ರಿಲ್ ಮಿಸ್ಸಾಗುತ್ತೆ..
ಮಾಗಡಿ ರಸ್ತೆಯ ಪ್ರಸನ್ನ ಚಿತ್ರಮಂದಿರದಲ್ಲಿ ನಟ ವಿನೋದ್ ಪ್ರಭಾಕರ್, ನಾಯಕಿ ಶೋಭಿತಾ ರಾಣಾ ಪ್ರೇಕ್ಷಕರ ಜೊತೆ ಸಿನಿಮಾ ನೋಡಿದ್ರು.. ಮಾಸ್ ಅಂಶಗಳು ಜಾಸ್ತಿ ಇದ್ರು, ಇಡೀ ಫ್ಯಾಮಿಲಿ ಕೂತು ಎಂಜಾಯ್ ಮಾಡಬಹುದಾದ ಸಿನಿಮಾ ಶ್ಯಾಡೋ.. ವಿನೋದ್ ಪ್ರಭಾಕರ್ ಒನ್ಸ್ ಅಗೇನ್, ಮಾಸ್ ಹೀರೋ ಆಗಿ ಅಬ್ಬರಿಸಿದ್ದಾರೆ.. ಅದ್ರಲ್ಲೂ ಮರಿಟೈಗರ್ ಶರ್ಟ್ಲೆಸ್ ಆ್ಯಕ್ಷನ್ ಅಭಿಮಾನಿಗಳಿಗೆ ಸಖತ್ ಕಿಕ್ ಕೊಡುತ್ತೆ..
ನಿರ್ದೇಶಕ ರವಿ ಗೌಡ ಮೊದಲ ಪ್ರಯತ್ನದಲ್ಲಿ ಸಕ್ಸಸ್ ಕಂಡಿದ್ದಾರೆ.. ಕೆಲವೇ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳುವ ನಾಯಕಿ ಶೋಭಿತಾ ರಾಣಾ ಗಮನ ಸೆಳಿತ್ತಾರೆ.. ಪೊಲೀಸ್ ಆಫಿಸರ್ ನರಸಿಂಹ ಪಾತ್ರದಲ್ಲಿ ಶರತ್ ಲೋಹಿತಾಶ್ವ ಇಡೀ ಸಿನಿಮಾ ಕಾಣಿಸಿಕೊಂಡಿದ್ದಾರೆ.. ಕಂಚಿನ ಕಂಠದ ಶರತ್, ಪ್ರೇಕ್ಷಕರನ್ನ ನಗಿಸೋ ಪ್ರಯತ್ನವನ್ನು ಮಾಡಿದ್ದಾರೆ.. ಚಿತ್ರದಲ್ಲಿ ಒಂದೇ ಹಾಡಿದ್ದು, ಅಚ್ಚು ಸಂಗೀತ, ಮನೋಹರ್ ಜೋಷಿ ಛಾಯಾಗ್ರಹಣ ಶ್ಯಾಡೋ ಚಿತ್ರಕ್ಕಿದೆ..
ಬರೋಬ್ಬರಿ 10 ತಿಂಗಳ ನಂತ್ರ 100 ಪರ್ಸೆಟ್ ಆಕ್ಸುಪಸಿ ಜೊತೆಗೆ ಚಿತ್ರಗಳು ರಿಲೀಸ್ ಆಗಿದ್ದು, ಮೊದಲ ದಿನ ಪ್ರೇಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.. ಶ್ಯಾಡೋ ಚಿತ್ರವನ್ನು ಅಭಿಮಾನಿಗಳು ಹಬ್ಬದ ರೀತಿ ಸ್ವಾಗತಿಸಿದ್ದಾರೆ.. ಕಳೆದ ವರ್ಷವೇ ಬರಬೇಕಿದ್ದ ಶ್ಯಾಡೋ ಸಿನಿಮಾ ಬಹಳ ತಡವಾಗಿ ಬಂದ್ರು, ಪ್ರೇಕ್ಷಕರ ಅದೇ ಉತ್ಸಾಹದಿಂದ ಸಿನಿಮಾ ನೋಡಿ ಸಂಭ್ರಮಿಸಿದ್ದಾರೆ..
