ಬಿಟೌನ್ನಲ್ಲಿ ಶುರುವಾಗುತ್ತಾ ‘ರಾಮಾಯಣ’ದ ಅಬ್ಬರ..? ಒಂದೇ ಫ್ರೇಮ್ನಲ್ಲಿ ಬಾಲಿವುಡ್-ಟಾಲಿವುಡ್ ದಿಗ್ಗಜರು..
ಅದೊಂದು ಕಾಲವಿತ್ತು. ಪೌರಾಣಿಕ ಕಥೆಗಳನ್ನ ತಾತ.. ಮುತ್ತಾತ. ಅಜ್ಜ-ಅಜ್ಜಿಯರ ಬಾಯಿಂದು ಕೇಳಿ ತಿಳಿದುಕೊಳ್ಳೋ ಕಾಲವಿತ್ತು. ಆದ್ರೀಗ ಬೆಳ್ಳಿತೆರೆ ಮೇಲೆ ಪೌರಾಣಿಕ ಕಥೆಗಳ ಅನಾವರಣವನ್ನ ಕಣ್ತುಂಬಿಕೊಳ್ತಿದ್ದೇವೆ. ಈ ಪೌರಾಣಿಕ ಕಥೆಗಳಾದ ರಾಮಾಯಣ ಹಾಗೂ ಮಹಾಭಾರತದ ಬಗ್ಗೆ ಸಾಕಷ್ಟು ಸೀರಿಯಲ್, ಸಿನಿಮಾಗಳು ಬೆಳ್ಳಿ ಪರದೆ ಮೇಲೆ ರಾರಾಜಿಸಿವೆ. ಆದ್ರೂ ಕೂಡ ಇದರ ಬಗ್ಗೆ ಪ್ರೇಕ್ಷಕರಿಗೆ ಆಸಕ್ತಿಯೇನು ಕಡಿಮೆಯಾಗಿಲ್ಲ. ಮತ್ತೆ ಮತ್ತೆ ಇದೇ ಪೌರಣಿಕ ಕಥೆಗಳನ್ನ ತೆರೆ ಮೇಲೆ ನೋಡೋಕ್ಕೆ ಸಿನಿರಸಿಕರು ಇಷ್ಟಪಡುತ್ತಾರೆ. ಹೀಗಾಗಿಯೇ ಈ ಕಥೆಯಾಧರಿತ ಸಿನಿಮಾಗಳು ಹೆಚ್ಚಾಗಿ ಬರುತ್ತವೆ. ಇದ್ರಂತೆ ಈಗ ಬಾಲಿವುಡ್ನಲ್ಲಿ ‘ರಾಮಾಯಣ’ ಸಿನಿಮಾ ಬರಲು ತಯಾರಿ ನಡೆಯುತ್ತಿದೆ.
ಟಾಲಿವುಡ್ ಸೂಪರ್ ಸ್ಟಾರ್ ಮಹೇಶ್ ಬಾಬು ಹಾಗೂ ಗ್ರೀಕ್ ಗಾಡ್ ಹೃತಿಕ್ ರೋಷನ್..ಯಾರಿಗೆ ಗೊತ್ತಿಲ್ಲ ಹೇಳಿ. ಚಿಕ್ಕಮಕ್ಕಳಿಂದ ಹಿಡಿದು ಹಣ್ ಹಣ್ ಮುದುಕರವರೆಗೂ ಇವರ ನಟನೆಯನ್ನ ಇಷ್ಟಪಡ್ತಾರೆ. ಇದ್ರಂತೆ ಇವರು ಸಹ ಅಂದಿನಿಂದ-ಇಂದಿನವರೆಗೆ, ತಮ್ಮ ಡಿಫರೆಂಟ್ ಮ್ಯಾನರಿಸಂ, ಅದ್ಭುತ ನಟನೆಯಿಂದಲೇ ಸಾವಿರಾರು ಫ್ಯಾನ್ಸ್ ಫಾಲೋವರ್ಸ್ನ ಹೊಂದಿದ್ದಾರೆ. ವಯಸ್ಸು 40ರ ಗಡಿ ದಾಟಿದ್ರೂ ಸ್ಟಿಲ್, ಯಂಗ್ ಆಗಿ ಮಿಂಚುತ್ತಿದ್ದಾರೆ. ಈಗ ಇವರಿಬ್ಬರು ಎವರ್ಗ್ರೀನ್ ಸ್ಟಾರ್ಸ್ ಒಂದೇ ಫ್ರೇಮ್ನಲ್ಲಿ ಕಾಣಿಸಿಕೊಳ್ತಾರೆ ಅನ್ನೋ ಸುದ್ದಿ ಬಾಲಿವುಡ್ ಅಂಗಳದಲ್ಲಿ ಸಿಕ್ಕಾಪಟ್ಟೆ ಜೋರಾಗಿ ಕೇಳಿಬರ್ತಿದೆ.
ಯೆಸ್ ಹಿಂದಿಯಲ್ಲಿ ಬಿಗ್ ಬಜೆಟ್ ‘ರಾಮಾಯಣ’ ಸಿನಿಮಾ ಸೆಟ್ಟೇರುತ್ತಿದ್ದು, 3Dಯಲ್ಲಿ ಅದ್ಧೂರಿಯಾಗಿ ಪ್ಯಾನ್ ಇಂಡಿಯಾ ಮೂಲಕ ರಾಮಾಯಣ ಸಿನಿಮಾ ಅಬ್ಬರಿಸಲಿದಿಯಂತೆ. 500 ಕೋಟಿ ವೆಚ್ಚದಲ್ಲಿ ಈ ಸಿನಿಮಾ ತಯಾರಾಗ್ತಿದ್ದು, ಮಧು ಮಂಟೇನಾ ಸಾರಥ್ಯದಲ್ಲಿ ನಿರ್ಮಾಣವಾಗಲಿದೆ. ಇದ್ರಲ್ಲಿ ರಾಮ, ಸೀತೆ, ಲಕ್ಷ್ಮಣ, ಭರತ, ಹನುಮಂತ ಮತ್ತು ಕಥೆಯ ಖಳನಾಯಕನಾದ ರಾವಣ, ಈ ಎಲ್ಲ ಪಾತ್ರಗಳಿದ್ದು, ಇದ್ರಲ್ಲಿ ಟಾಲಿವುಡ್ ಹಾಗೂ ಬಾಲಿವುಡ್ ದಿಗ್ಗಜರು ರಾರಾಜಿಸಲಿದ್ದಾರೆ.
ಹೌದು ನಿತೀಶ್ ತಿವಾರಿ ಕೈಚಳಕದಲ್ಲಿ ಈ ಮಾಡ್ರನ್ ರಾಮಾಯಣ ಮೂಡಿಬರಲಿದ್ದು, ರಾಮಾನಾಗಿ ಮಹೇಶ್ ಬಾಬು ಕಾಣಿಸಿಕೊಂಡ್ರೆ, ರಾವಣನಾಗಿ ಹೃತಿಕ್ ರೋಷನ್ ಮಿಂಚಲಿದ್ದಾರಂತೆ. ಇನ್ನು ಸೀತೆಯಾಗಿ ದೀಪಿಕಾ ಪಡುಕೋಣೆ ರಾರಾಜಿಸಿದ್ರೆ, ರಾಮನ ಬಂಟ ಹನುಮಂತನಾಗಿ ಅಲ್ಲು ಅರ್ಜುನ್ ನಟಿಸಲಿದ್ದಾರೆ ಎಂಬ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದೆ.
ರಾಮಾಯಣ 3ಡಿ ಸಿನಿಮಾದಲ್ಲಿ ರಾಮನ ಪಾತ್ರಕ್ಕೆ ಮಹೇಶ್ ಬಾಬು ಸಂಪರ್ಕ ಮಾಡಿ, ಕಥೆ ಹೇಳಿದ್ದಾರಂತೆ. ಈ ಸ್ಕ್ರೀಪ್ಟ್ ಮಹೇಶ್ ಬಾಬುಗೂ ಸಹ ಇಷ್ಟವಾಗಿದಿಯಂತೆ. ಇನ್ನು ಮಹೇಶ್ ಬಾಬು ಕಡೆಯಿಂದ ಅಧಿಕೃತವಾಗಿ ಗ್ರೀನ್ ಸಿಗ್ನಲ್ ಕೊಡುವುದು ಬಾಕಿಯಿದೆ. ಈ ಹಿಂದೆ ಚಿತ್ರತಂಡ ಯಂಗ್ ರೆಬಲ್ ಸ್ಟಾರ್ ಪ್ರಭಾಸ್ನ, ರಾಮನ ಪಾತ್ರಕ್ಕೆ ಸೆಲೆಕ್ಟ್ ಮಾಡಿದ್ರಂತೆ. ಆದ್ರೆ ಪ್ರಭಾಸ್ ಓಂ ರಾವತ್ ಅವರ ಆದಿಪುರುಷ್ ಸಿನಿಮಾದಲ್ಲಿ ರಾಮನಾಗಿ ಕಾಣಿಸಿಕೊಂಡ ಕಾರಣ ಮಹೇಶ್ ಬಾಬು ಅವರನ್ನು ಸಂಪರ್ಕ ಮಾಡಿದೆ ಅಂತಿದೆ ಕೆಲ ಮೂಲಗಳು
ಒಟ್ಟಾರೆಯಾಗಿ ಮಹೇಶ್ಬಾಬು, ಹೃತಿಕ್ ರೋಷನ್, ದೀಪಿಕಾ ಪಡುಕೋಣೆ, ಹಾಗೂ ಅಲ್ಲು ಅರ್ಜುನ್ ಏನಾದ್ರೂ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವುದು ಅಧಿಕೃತವಾದ್ರೆ. ಈ ಸಿನಿಮಾ ಪ್ರಭಾಸ್ ಅಧಿಪುರುಷನನ್ನೆ ಮೀರಿಸಿದ್ರು ಆಶ್ಚರ್ಯವಿಲ್ಲ.
