ಸಿಲಿಕಾನ್ ಸಿಟಿಯಲ್ಲಿ ಡಿಫರೆಂಟ್ ಶಿವರಾತ್ರಿ .! 35 ಅಡಿ ಎತ್ತರದ ಕರೋನಾ ಶಿವ ವಿಗ್ರಹ ಅನಾವರಣ..!
ಶಿವರಾತ್ರಿ ಹಬ್ಬ ಎಂದ್ರೆ ಎಲ್ಲೆಡೆ ಸಂಭ್ರಮ ಸಡಗರ. ಆದ್ರಲ್ಲೂ ಈ ಬಾರಿ ಕೊರೊನಾ ಹಿನ್ನೆಲೆ ಸಿಲಿಕಾನ್ ಸಿಟಿಯಲ್ಲಿ ಡಿಫರೆಂಟ್ ಆಗಿ ಶಿವರಾತ್ರಿ ಆಚರಣೆಗೆ ಮುಂದಾಗಿದ್ದಾರೆ. ಅರೇ ಈ ಬಾರಿಯ ಶಿವರಾತ್ರಿಯ ಸ್ಪೆಷಲ್ ಏನ್ ಅಂತಾ ಯೋಚಿಸ್ತಿದ್ದೀರಾ. ಈ ಸ್ಟೋರಿ ಓದಿ..
ದೇಶದಲ್ಲಿ ಕೋವಿಡ್ ಎರಡನೇ ಅಲೆ ಭೀತಿ ಶುರುವಾಗಿದ್ದೇ ತಡ ಸಿಟಿ ಜನ್ರಲ್ಲಿ ಮತ್ತಷ್ಟು ಆತಂಕ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ ವಿಷಕಂಠ ಮಹಾದೇವ ವಿಗ್ರಹವೊಂದನ್ನು ವಿಲ್ಸನ್ ಗಾರ್ಡನ್ನ ರೆಡ್ ಫೀಲ್ಡ್ ಮೈದಾನಲ್ಲಿ ಅನಾವರಣ ಮಾಡಲಾಗಿದೆ. ಕೊರೊನಾ ವೈರಸ್ ಹಾವಳಿಯನ್ನು ಕಡಿಮೆ ಮಾಡಲಿ ಎಂಬ ನಿಟ್ಟಿನಲ್ಲಿ ದೇಶದಲ್ಲೇ ಮೊತ್ತ ಮೊದಲ ಬಾರಿಗೆ 35 ಅಡಿಯ ಕೊರೊನಾ ಶಿವನ ವಿಗ್ರಹವನ್ನು ಎಂಟು ಕಲಾವಿದರಿಂದ ಅರಳಿಸಲಾಗಿದೆ.
ಇದನ್ನೂ ಓದಿ: ಇಂದು ಸಿಎಂ 8ನೇ ಬಜೆಟ್ ಮಂಡನೆ..! ಬಿಎಸ್‌ವೈ ಸೂಟ್‌ಕೇಸ್‌ನಲ್ಲಿ ಏನಿರುತ್ತೆ..? ಯಾವುದು ಹೊಸ ಯೋಜನೆ?
ಶಿವನೆಂದರೆ ಆತ ರೋಗರುಜಿನ ನಿವಾರಕ. ಈ ಕಾರಣಕ್ಕಾಗಿಯೇ ಆತನಿಗೆ ನಂಜುಂಡೇಶ್ವರ ಎಂಬ ಹೆಸರಿದೆ. ಹಾಗಾಗಿ ಈ ನಂಜುಂಡ ಎಲ್ಲರಿಗೂ ಉತ್ತಮ ಆರೋಗ್ಯ ನೀಡಲಿ ಎಂಬ ಉದ್ದೇಶದಿಂದ ವಿಮೋಚನಾ ವೆಲ್ಫೇರ್ ಟ್ರಸ್ಟ್ ವತಿಯಿಂದ ವಾಸ್ತುಪ್ರಕಾರ ಶಿವನ ವಿಗೃಹವನ್ನು ಸ್ಥಾಪಿಸಲಾಗಿದೆ. ಮಾರ್ಚ್ 8 ರಿಂದ 14ರವರೆಗೆ ಮಧ್ಯಾಹ್ನ 2 ರಿಂದ ರಾತ್ರಿ 10 ಗಂಟೆವರೆಗೆ ಅವಕಾಶ ಕಲ್ಪಿಸಲಾಗಿದೆ. ಇನ್ನೂ ಬೃಹತ್ ಶಿವನ ವಿಗೃಹವನ್ನು ನೋಡ್ತಿದಂತೆ ಭಕ್ತಿಯ ಅಲೆಯಲ್ಲಿ ತೇಲಾಡಿಸುವಂತೆ ಈ ವಿಗ್ರಹ ಆಕರ್ಷಕವಾಗಿದೆ.
