ವಾಹನ ಸವಾರರಿಗೆ ಬಿಗ್ ಶಾಕ್; ಮತ್ತೆ ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆ; ಇಂದಿನ ದರ ಇಂತಿದೆ!
ಬೆಂಗಳೂರು: ದೇಶದಲ್ಲಿ ಮತ್ತೆ ಪೆಟ್ರೋಲ್ ಮತ್ತು ಡಿಸೇಲ್ ದರ ಭಾನುವಾರ ಕೂಡ ಏರಿಕೆಯಾಗಿದೆ. ಅ.10ರಂದು ಪೆಟ್ರೋಲ್ ದರದಲ್ಲಿ 30 ಪೈಸೆ ಮತ್ತು ಡೀಸೆಲ್ ಬೆಲೆ 35 ಪೈಸೆ ಏರಿಕೆಯಾಗಿದೆ.
ಭಾರತದಲ್ಲಿ ಕಳೆದ 16 ದಿನಗಳಲ್ಲಿ 14 ಬಾರಿ ಪೆಟ್ರೋಲ್, ಡೀಸೆಲ್ ದರ ಏರಿಕೆ ಮಾಡಲಾಗಿದೆ. ಸತತ 6 ದಿನಗಳಿಂದ ಇಂಧನ ದರ ಏರಿಕೆಯಾಗುತ್ತಿದೆ. ಕಳೆದ ಆರು ದಿನಗಳಿಂದ ಇಂಧನ ದರ ಸರಾಸರಿ 25-30 ಪೈಸೆಯಂತೆ ಏರಿಕೆಯಾಗುತ್ತಿದೆ. ಕಳೆದ 12 ದಿನಗಳಲ್ಲಿ ಪೆಟ್ರೋಲ್ 2.75 ರುಪಾಯಿ, ಡೀಸೆಲ್ 3.95 ರುಪಾಯಿಯಷ್ಟು ಬೆಲೆ ಹೆಚ್ಚಳ ಕಂಡಿದೆ.
ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಲೀಟರ್ ಪೆಟ್ರೋಲ್ ದರ ಇಂದು 104 ರೂಪಾಯಿ 14 ಪೈಸೆಯಾಗಿದ್ದು, ಡೀಸೆಲ್ ದರ 92 ರೂಪಾಯಿ 82 ಪೈಸೆಯಾಗಿದೆ.
ವಾಣಿಜ್ಯ ನಗರಿ ಮುಂಬೈನಲ್ಲಿ ಲೀಟರ್ ಪೆಟ್ರೋಲ್ ದರ 110 ರೂಪಾಯಿ 12 ಪೈಸೆಯಾಗಿದ್ದು, ಡೀಸೆಲ್ ದರ 100 ರೂಪಾಯಿ 66 ಪೈಸೆಯಾಗಿದೆ.
ಬೆಂಗಳೂರಿನಲ್ಲಿ ಲೀಟರ್ ಪೆಟ್ರೋಲ್ ದರ 107 ರೂಪಾಯಿ 77 ಪೈಸೆ ಹಾಗೂ ಲೀಟರ್ ಡೀಸೆಲ್ ದರ 98 ರೂಪಾಯಿ 52 ಪೈಸೆಯಾಗಿದೆ.
ಮಹಾರಾಷ್ಟ್ರ, ದೆಹಲಿ, ಪಶ್ಚಿಮ ಬಂಗಾಳ, ತಮಿಳುನಾಡು, ಆಂಧ್ರಪ್ರದೇಶ, ತೆಲಂಗಾಣ, ರಾಜಸ್ಥಾನ, ಮಧ್ಯಪ್ರದೇಶ, ಕರ್ನಾಟಕ, ಉತ್ತರಪ್ರದೇಶ, ಹರ್ಯಾಣ, ಜಮ್ಮು ಮತ್ತು ಕಾಶ್ಮೀರ, ಒಡಿಶಾ, ಲಡಾಕ್, ಬಿಹಾರ, ಕೇರಳ, ಪಂಜಾಬ್, ಸಿಕ್ಕಿಂ ಹಾಗೂ ನಾಗಾಲ್ಯಾಂಡ್ ರಾಜ್ಯಗಳಲ್ಲಿ ಪೆಟ್ರೋಲ್ ಬೆಲೆ 100ರೂ. ದಾಟಿದೆ.
ಯಾವ್ಯಾವ ನಗರದಲ್ಲಿ ಎಷ್ಟಿದೆ ಇಂಧನ ಬೆಲೆ ಇಲ್ಲಿದೆ ಮಾಹಿತಿ
- ನವದೆಹಲಿ: ಪೆಟ್ರೋಲ್ 104.14ರೂ- ಡೀಸೆಲ್ 92. 82ರೂ
- ಕೋಲ್ಕತಾ: ಪೆಟ್ರೋಲ್ 104. 80ರೂ- ಡೀಸೆಲ್ 95. 93ರೂ
- ಮುಂಬೈ: ಪೆಟ್ರೋಲ್ 110.12ರೂ- ಡೀಸೆಲ್ 100. 66ರೂ
- ಚೆನ್ನೈ: ಪೆಟ್ರೋಲ್ 101. 53ರೂ- ಡೀಸೆಲ್ 97. 26ರೂ
- ಬೆಂಗಳೂರು: ಪೆಟ್ರೋಲ್ 107.77ರೂ- ಡೀಸೆಲ್ 98. 52ರೂ
- ತಿರುವನಂತಪುರಂ: ಪೆಟ್ರೋಲ್ 105. 96ರೂ- ಡೀಸೆಲ್ 99. 43ರೂ
- ಪಾಟ್ನಾ: ಪೆಟ್ರೋಲ್ 107. 29ರೂ- ಡೀಸೆಲ್ 99. 36ರೂ
- ಹೈದರಾಬಾದ್: ಪೆಟ್ರೋಲ್ 108. 33ರೂ- ಡೀಸೆಲ್ 101. 27ರೂ
- ನೋಯ್ಡಾ: ಪೆಟ್ರೋಲ್ 101. 40ರೂ- ಡೀಸೆಲ್ 93. 45ರೂ
- ಜೈಪುರ: ಪೆಟ್ರೋಲ್ 112. 06ರೂ- ಡೀಸೆಲ್ 103. 08ರೂ
